Sergio Busquets

Sergio Busquets

(2018)
Biografía
Nacemento	16 de xullo de 1988 (36 anos) Sabadell (España)
Residencia	Sabadell Badia del Vallès
Altura	189 cm
Peso	66 kg
Actividade
Ocupación	futbolista
Período de actividade	2007 -
Nacionalidade deportiva	España
Deporte	fútbol
Liga	Primeira División Española e Major League Soccer
Posición de xogo	Centrocampista defensivo
Número deportivo	5
Traxectoria   Deporte base 1995–1996 Q112841087 1996–1999 Q112841080 1999–2003 UE Lleida 2003–2005 UFB Jàbac i Terrassa 2006–2006 FC Barcelona C   Equipo 2007–2008   FC Barcelona B 32 (1) 2008–2023   FC Barcelona (centrocampista) 481 (11) 2023–   Inter Miami CF 34 (1)   Selección nacional 2008–   Cataluña 8 (0) 2008–2009   España sub-21 3 (1) 2009–2022   España 143 (2)
Participou en
2018	Mundial de Fútbol Rusia 2018
2016	Eurocopa de Fútbol Francia 2016
2014	Mundial de Fútbol Brasil 2014
2012	Eurocopa de Fútbol Polonia/Ucraína 2012
2010	Mundial de Fútbol Suráfrica 2010
2009	Copa Confederacións Suráfrica 2009
Familia
Pai	Carles Busquets
Premios
Medalla de Ouro da Real Orde do Mérito Deportivo

Sergio Busquets Burgos, nado en Sabadell, provincia de Barcelona, o 16 de xullo de 1988, é un futbolista catalán. En 2010 xogaba como centrocampista no Fútbol Club Barcelona, da Primeira División de España.

É fillo de Carles Busquets, ex gardameta tamén do Barcelona, e que actualmente é o adestrador de porteiros do club catalán.

Tamén xoga na selección de fútbol de España, coa que gañou a Copa Mundial de Fútbol en 2010 e a Eurocopa de 2012, dous dos tres títulos do triplete conseguido pola selección entre 2008 e 2012, inédito na historia do fútbol.

Traxectoria

Aínda que nado en Sabadell, creceu na veciña Badia del Vallès e deu os seus primeiros pasos no Jabac de Terrassa, ata que en 2005 ingresou no fútbol base do FC Barcelona. Na súa primeira tempada no Xuvenil A do club azulgrana logrou o triplete, integrando un histórico con novas promesas como Bojan Krkić.

A súa progresión fixo que en maio de 2007 Frank Rijkaard convocáselle para os partidos do primeiro equipo na Copa Catalunya, chegando a disputar algúns minutos da final, na que os azulgranas lograron o título ao imporse ao RCD Espanyol.

A tempada 2007/08 xogou ás ordes de Pep Guardiola no filial do Barcelona, co que quedou campión de Terceira División, logrando o ascenso a Segunda B. Busquets foi aliñado en 23 partidos, nos que marcou dous tantos.

A seguinte tempada, Guardiola, á fronte do primeiro equipo, decidiu levar a Busquets á concentración de pretempada, dándolle minutos na Copa Catalunya -onde anotou o seu primeiro gol oficial como azulgrana- e o Trofeo Joan Gamper. Pouco despois chegaría o seu debut en Primeira División; foi o 13 de setembro de 2008, na segunda xornada de liga, cando xogou os noventa minutos ante o Racing de Santander. Rapidamente, e a pesar de ter ficha non profesional co filial, logrou consolidarse como titular no primeiro equipo azulgrana. A súa progresión tamén chamou a atención do seleccionador español, Vicente del Bosque, debutando coa selección sub 21 en outubro de 2008.

O 22 de outubro de 2008 logrou o seu primeiro gol co primeiro equipo azulgrana, coincidindo co seu debut na Liga de Campións, nunha partida fronte ao FC Basilea gañado polos cataláns por 0 a 5.

O 22 de decembro de 2008 renovou o seu contrato co Barcelona ata 2013.

O 27 de maio de 2009 foi aliñado na final da Champions League fronte ao Manchester United, sendo gañada por 2 goles a 0.

Selección nacional de España

O 11 de outubro de 2008 debutou coa selección de España sub-21 nun partido de clasificación para a Eurocopa da categoría ante Suíza, no que anotou un gol.

O 6 de febreiro de 2009 Vicente del Bosque convocouno para xogar coa selección absoluta por primeira vez, para un partido amigable ante Inglaterra, aínda que non chegou a xogar.

Tería que esperar uns meses, ata o 1 de abril de 2009, para debutar coa camiseta española, nun encontro de clasificación para a Copa Mundial de Fútbol de 2010 disputado en Turquía. Busquets entrou no minuto 77 de partido en substitución de David Silva.

En xuño de 2009 o seleccionador Vicente del Bosque incluír na lista de convocados para disputar a Copa Confederacións.

O 11 de xullo de 2010 proclamouse campión da Copa Mundial de Fútbol coa selección española en Suráfrica.

Clubs

Actualizado o 28 de abril de 2010

Club	País	Ano	Partidos	Goles
FC Barcelona Atlètic	España	2007 - 2008	26	1
FC Barcelona	España	2008 - presente	83	3

Palmarés

Campionatos nacionais

Título	Club	País	Ano
Liga de Terceira División	FC Barcelona Atlètic	España	2008
Copa do Rei	FC Barcelona	España	2009
Liga de España	FC Barcelona	España	2009
Supercopa de España	FC Barcelona	España	2009
Liga de España	FC Barcelona	España	2010

Campionatos internacionais

Título	Club	País	Ano
Liga de Campións da UEFA	FC Barcelona	Italia	2009
Supercopa de Europa	FC Barcelona	Francia	2009
Copa Mundial de Clubs da FIFA	FC Barcelona	Emiratos Árabes Unidos	2009
Copa Mundial de Fútbol	Selección española	Suráfrica	2010

Outros

Título	Club	País	Ano
Copa Catalunya	FC Barcelona	España	2007
Trofeo Joan Gamper	FC Barcelona	España	2008

Véxase tamén

Ligazóns externas

• Ficha de Sergio Busquets na web oficial do FC Barcelona (en castelán)
• Ficha/Perfil de Sergio Busquets na web oficial da FIFA Arquivado 17 de xuño de 2009 en Wayback Machine. (en castelán)