Rexión de Atacama

Rexión de Atacama
Localización
	27°S 70°O / -27, -70
Estado	Chile
Capital	Copiapó
Contén a división administrativa	Provincia de Chañaral ; Provincia de Copiapó ; Provincia de Huasco
Poboación
Poboación	286.168 (2017) (3,81 hab./km²)
Lingua usada	lingua kunza
Xeografía
Parte de	Zona de Integración do Centro Oeste de América do Sur
Superficie	75.176,2 km²
Altitude	1.800 m
Comparte fronteira con	Rexión de Antofagasta ; Provincia de La Rioja ; Provincia de Catamarca ; Rexión de Coquimbo ; Provincia de San Juan
Organización política
Órgano lexislativo	Consello Rexional de Atacama Circunscrición: 3, (Escano: 14)
Identificador descritivo
Fuso horario	UTC−04:00
ISO 3166-2	CL-AT
Sitio web	goreatacama.cl

Atacama é unha das dezaseis rexións nas que se encontra dividido Chile. Limita ao norte coa Rexión de Antofagasta, ao sur coa Rexión de Coquimbo, ao leste coas provincias de Catamarca, La Rioja e San Juan da República Arxentina e ao oeste co océano Pacífico. A súa capital, Copiapó está localizada a 806 km ao norte da capital de Chile, Santiago.

Historia

Diego de Almagro toma posesión do reino de Chile no val de Copiapó.

Durante moitos anos, esta rexión estivo habitada por tribos dieguitas. O descubridor Diego de Almagro chegou ao val de Copiapó en 1536, dando inicio ao descubrimento de Chile.

Durante a colonia, foi coñecida como o límite setentrional do país. O 8 de decembro de 1744 fundouse a cidade de San Francisco de la Selva, hoxe en día Copiapó. En 1789 fundouse por orde do Gobernador Ambrosio O'Higgins, a cidade de Vallenar.

Xa durante o período da República, Juan Godoy descobre o mineral de prata de Chañarcillo en 1832. Grazas a este descubrimento Chile converteuse nun dos principais produtores deste metal no mundo que permite que poidese brotar a súa propia economía nacional. Para mellorar o transporte do mineral cara ao exterior construíuse a primeira liña férrea do país, feita por William Wheelright, mercante mariño norteamericano, unindo a Copiapó con Caldera (1851). Co transcurso do tempo, Santiago, a capital de Chile, comeza a cobrar un imposto á minaría atacameña, dando comezo a un conflito bélico entre Atacama e Santiago, a Revolución de 1859. A pesar de que o bando rexionalista (Exército da revolución constituíntes de Atacama) foi derrotado na Batalla de Cerro Grande 1859, o conflito propiciou a fin da República Conservadora.

En 1916 comezou a explotación do chumbo en Potrerillos, forxando unha buliciosa cidade, que actualmente encóntrase deshabitada e que sobrevive basicamente dos restos da fundición dos minerais, agora explotados na mina de El Salvador.

División administrativa da Rexión

A Rexión de Atacama, para efectos de goberno e administración interior, divídese en 3 provincias:

Provincia	Área en km²	Poboación	Capital
Chañaral	24.436,2	32.132	Chañaral
Copiapó	32.538,5	155.713	Copiapó
Huasco	18.201,5	66.491	Vallenar

Para fins de administración local, as provincias subdivídense en 9 comunas.

Provincia	Capital	Comuna

Chañaral	Chañaral	1 Chañaral
		2 Diego de Almagro
Copiapó	Copiapó	3 Caldera
		4 Copiapó
		5 Tierra Amarilla
Huasco	Vallenar	6 Alto del Carmen
		7 Freirina
		8 Huasco
		9 Vallenar

Véxase tamén

Ligazóns externas

Portal web de Atacama
La Isla Chañaral: A colonia de Pingüinos de Humboldt máis grande do mundo
O Pingüino de Humboldt na Illa Chañaral
DescubreChile.cl Arquivado 06 de decembro de 2010 en Wayback Machine. Información Turística da Rexión de Atacama