Petrer

Petrer

Localización
38°29′04″N 0°46′10″O
Estado	España
Comunidade autónoma	Comunidade Valenciana
Provincia	Provincia de Alacant
Comarca da Comunidade Valenciana	Vinalopó Mitjà
Capital	Petrel (en)
Poboación
Poboación	33.914 (2023) (325,28 hab./km²)
Lingua oficial	lingua catalá (lingua predominante)
Xeografía
Parte de	Mancomunidade Intermunicipal de La Vall del Vinalopó
Superficie	104,26 km²
Altitude	698 m
Comparte fronteira con	Agost Monforte del Cid Novelda Castalla Sax, Elda
Organización política
• Alcaldesa	Lucía García
Identificador descritivo
Código postal	03610
Fuso horario	UTC+01:00
Código INE	03104
Código ARGOS de concellos	03104
Páxina web	petrer.es

Castelo de Petrer Nevado.

Petrer é un concello do País Valenciano situado no centro interior da provincia de Alacant, na comarca do Vinalopó Mitjà. O núcleo urbano de Petrer atópase completamente fusionado co de Elda, formando a conurbación Elda-Petrer.

Petrer ten 33.486 habitantes (INE 2007), poboación que aumentou moito grazas ao seu desenvolvemento industrial. A súa economía está baseada na fabricación de todo tipo de calzado, así como nunha puxante industria da marroquinaría.

Xeografía

Petrer atópase situado na cunca media do Vinalopó, río que discorre pola zona oeste do seu termo municipal.

Cunha superficie de 104,2 km², limita ao norte cos municipios de Castalla e Sax, ao sur cos de Novelda e Monforte del Cid; ao leste con Agost e ao oeste con Elda, poboación coa cal forma unha conurbación de 88.845 habitantes.

O relevo de Petrer, eminentemente montañoso, está constituído por un corredor estreito existente entre as terras baixas de Elx e a meseta de Villena, situado ao fondo dunha cubeta entre importantes somontes, destacando as serras do Cid, do Caball e o Maigmó. O clima, sendo mediterráneo, caracterízase pola escaseza e irregularidade das choivas, e unhas temperaturas agradables, con invernos curtos e pouco fríos e unha estación estival longa.

Economía

A economía da comarca ten como actividade principal o calzado. Actualmente parece experimentarse un proceso no cal intégranse, xunto ás fases produtivas da industria do calzado, un sector primario crecente (actividades agrícolas e mineiras) e un sector de servizos.

A industria do calzado e a marroquinaría convertéronse, ao longo dos anos, no tecido produtivo básico. O tamaño da empresas (pequeno e mediano), así como a súa organización, permiten unha ampla flexibilidade e adaptación á demanda de distintos volumes de pedido de zapatos, bolsos e outros complementos.

Na actualidade existen preto de 220 empresas de calzado, o que representa preto do 45% do total. O resto de actividades industriais son, por orde de importancia, as empresas de construción, marroquinería e a industria agroalimentaria que, malia o seu escaso número, están plenamente introducidos no mercado internacional.

Demografía

Petrer ten 33.486 habitantes (INE 2007), o que representa o 37,72% da poboación da conurbación Elda-Petrer. Dende os anos 70 do século XX, Petrer absorbeu gran parte do crecemento demográfico de Elda, grazas a ter o municipio petrerí unha maior superficie edificábel, especialmente no barrio de la Frontera entre os dous termos.

A porcentaxe de inmigrantes censados en Petrer é do 3,34% (INE 2006), o máis baixo de tódolos municipios de máis de 2.000 habitantes da provincia de Alacant. A meirande parte dos inmigrantes do municipio proceden de Iberoamérica.

Evolución demográfica de Petrer
	1857	1887	1900	1910	1920	1930	1940	1950	1960	1970	1981	1991	2001	2007
Poboación	2.889	3.402	3.928	3.992	4.120	5.290	5.506	6.145	10.615	15.804	20.361	24.383	29.567	39.486