Lucena é unha cidade e un concelloespañol da provincia de Córdoba, en Andalucía. O concello ten unha superficie de 352,05 km².[1] Atópase a unha altitude de 487 metros e a 67 quilómetros da capital de provincia, Córdoba. Polo seu pasado xudeu tamén é coñecida como "Perla de Sefarad". Ademais, é das poucas cidades de España que ostenta o título de “mariana” debido á gran devoción que se lle profesa á súa patroa, María Santísima de Araceli. Esta foi nomeada patroa en 1851 e "alcaldesa perpetua" en 1955.
O seu nome provén do hebreoEli ossana אלי הושענא (en hebreo: עברית), "Deus nos salve", nome co cal foi chamada orixinalmente polos xudeus, mentres que os musulmáns a denominaban اليشانةAl-Yussana. Trátase da principal poboación en termos demográficos e económicos da provincia tras a capital e está situada nun importante nó de comunicacións de estradas.
