Lisa Harriton

Lisa Harriton

(2008)
Biografía
Nacemento	17 de novembro de 1980 (43 anos) Londres, Reino Unido
Educación	Universidade do Sur de California USC Thornton School of Music (en)
Actividade
Ocupación	cantante, compositora, teclista, cantautora, pianista
Membro de	The Smashing Pumpkins
Xénero artístico	Música pop
Instrumento	Upright piano (en) , piano e voz
Páxina web	elleraemusic.com

Lisa Rae Harriton, nada en Londres o 18 de novembro de 1980, é unha música inglesa. Dende 2007 toca os teclados e faille os coros á banda de rock alternativo The Smashing Pumpkins. Harriton tamén é vocalista e compositora facendo unha mestura entre soul e pop influenciado polo jazz e a world music. Harriton comezou a súa carreira como vocalista de estudio con 8 anos de idade, facendo traballos para Disney, Integrity Media e Word Records.

Traxectoria

A súa nai, Terry Harriton, é unha vocalista de estudio nos Ánxeles, o seu pai, Michael Harriton, é compositor e músico, e o seu irmán máis vello Steven tamén é músico. Harriton asistiu e completou estudos de piano clásico na Royal Schools of Music de Londres, e completou ademais estudos de piano de jazz na University of Southern California en maio do 2004.

Actuou en clubs de jazz na China, o Xapón, o Perú e os Estados Unidos e traballou con músicos como Ingrid Jensen e Ernie Watts. Apareceu nos American Music Awards do 2009 con Adam Lambert tocando os teclados, e tamén apareceu con Adam nos programas CBS Early Show, Late Night with David Letterman e The View.

The Smashing Pumpkins

O 22 de maio do 2007, no club Le Grand Rex de París, deuse a coñecer como teclista e corista de xira da reformada The Smashing Pumpkins. Harriton aparece nos vídeos de "Tarantula" e "That's the Way (My Love Is)". O 9 de marzo do 2010 Billy Corgan, líder da banda, comezou a realizar audicións para un teclista con vistas ao seguinte traballo do grupo, Teargarden by Kaleidyscope.

Véxase tamén

Ligazóns externas

• Lisa Harriton MySpace