Estufa

Estufa de deseño eficiente en catro etapas

Chámase estufa ao aparello que produce calor e emíteo para quentar un ou varios ambientes. A diferenza fundamental entre o fogar aberto e a estufa, é que esta confina dentro o lume para protexer aos usuarios de contactos accidentais; ademais permite un control da potencia moito mellor que no fogar aberto, mediante a regulación do caudal de entrada de aire para a combustión e require menos aire exterior para a evacuación dos fumes. En xeral, é un sistema de quecemento unitario ou local, que soamente serve para o local onde está.

Por extensión coñécese co nome de estufa, calquera aparello de invención posterior que produce calor e que serve para quentar, e nalgúns países para cociñar. Funciona tradicionalmente por medio da combustión, pero modernamente deuse en chamar co mesmo nome ás que funcionan por electricidade (por efecto Joule).