Dennis Gabor

Dennis Gabor

Nome orixinal	(hu) Gábor Dénes
Biografía
Nacemento	5 de xuño de 1900 Budapest (Imperio Austrohúngaro)
Morte	8 de febreiro de 1979 (78 anos) Londres, Reino Unido
Lugar de sepultura	Putney Vale Cemetery (pt)
Residencia	Hungría
Relixión	Luteranismo
Educación	Universidade Técnica de Berlín - Doutor en filosofía (–1927) Universidade Humboldt de Berlín (–1924) Universidade de Tecnologia e Economia de Budapeste (pt) (–1921)
Actividade
Campo de traballo	Física
Lugar de traballo	Berlín
Ocupación	físico, profesor universitario, inventor, académico, holographer (en)
Empregador	Universidade Técnica de Berlín Imperial College London
Membro de	Academia Naciona de Ciencias dos Estados Unidos (asociado estranxeiro da Academia Nacional de Ciencias) (1973–) Academia das Artes e das Ciencias dos Estados Unidos Academia de Ciencias de Hungría Royal Society
Alumnos	Eric Ash (pt)
Carreira militar
Conflito	Primeira guerra mundial
Obra
Doutorando	Eric Ash (pt) , Jack Cowan (en) e Anthony G. Constantinides (en)
Familia
Cónxuxe	Marjorie Louise Butler
Premios
(2012)  Salón da Fama dos Inventores Nacionais (1971)  Premio Holweck (1971)  Premio Nobel de Física (1970)  Medalha de Honra IEEE (pt) (1970)  Comandante da Orde do Imperio Británico (1968)  Medalla Rumford (1968)  Medalla Albert A. Michelson (1967)  Medalha e Prêmio Young (pt)
Descrito pola fonte	Enciclopedia soviética armenia, volume 2, (p.634) Physicists: Biographical Dictionary (en) , (p.70)

Dennis Gabor (en húngaro: Gábor Dénes), nado en Budapest en 1900 e finado en Londres en 1979, foi un profesor universitario e físico húngaro galardoado co Premio Nobel de Física no ano 1971 polo descubrimento da holografía.

Traxectoria

Naceu o 5 de xuño de 1900 na cidade de Budapest, naqueles momentos formando parte do Imperio Austrohúngaro e que hoxe en día é a capital de Hungría. Estudou física entre as universidades de Budapest e Berlín, doutorándose no ano 1927 cunha tese doutoral sobre os raios catódicos.

En 1933 fuxiu da Alemaña nazi establecéndose no Reino Unido, onde traballou no departamento de desenvolvemento da British Thomson-Houston Company en Rugby, situada no condado de Warwickshire. En 1948 ingresou no Imperial College de Londres e no 1958 accedeu a unha praza de profesor de física aplicada, que ocupou ata a súa xubilación no ano 1967.

Gabor morreu o 9 de febreiro de 1979 na cidade de Londres, cidade onde fixara a súa residencia.

Investigacións científicas

Tras iniciar as súas investigacións no mundo da óptica con traballos sobre o osciloscopio e o tubo de raios catódicos, en1947 inventou un sistema fotográfico denominado holografía. Este sistema consistía en crear imaxes sobre apoio plano que por ilusión óptica parecen ser tridimensionais, pero a súa comercialización e éxito non foi efectivo ata a invención no ano 1962 do láser, e a creación do primeiro holograma no ano seguinte. Pola invención da holografía, un grande avance tecnolóxico no mundo da fotografía, no 1971 foi galardoado co Premio Nobel de Física.

Gabor tamén investigou o xeito no cal se comunican e escoitan os seres humanos. O resultado destes traballos foi a primeira teoría da síntese granular, termo creado polo músico grego Iannis Xenakis. Foi o introdutor do denominado concepto de Filtro de Gabor, unha variante local da Transformada de Fourier, moi utilizada hoxe en día no mundo das telecomunicacións e procesamento de imaxes.

Véxase tamén

Ligazóns externas

• Páxina do Instituto Nobel, Premio Nobel de Física 1971 (en inglés)