Dani Barcia
| Dani Barcia | |||
|---|---|---|---|
 | |||
| Información persoal | |||
| Nome | Daniel Barcia Rama | ||
| Nacemento | 19 de xaneiro de 2003 | ||
| Lugar de nacemento | A Costa da Tapia | ||
| Posición | defensa central | ||
| Información de club | |||
| Club actual | Fabril | ||
| Número | 5 | ||
| Carreira xuvenil | |||
| 2009–2011 | Atlético San Pedro | ||
| 2011–2022 | Deportivo da Coruña | ||
| Carreira sénior | |||
| Anos | Equipos | Aprs | (Gls) |
| 2021– | Fabril | 57 | (4) |
| 2022– | Deportivo da Coruña | 14 | (0) |
| Selección nacional | |||
| 2021– | España sub-19 | 6 | (0) |
|
Partidos e goles só en liga doméstica. Club: actualizado a 22 de xuño de 2024. Selección: actualizado a 11 de febreiro de 2023.[ editar datos en Wikidata ] | |||
Daniel Barcia Rama, nado na Costa da Tapia (O Temple, Cambre) o 19 de xaneiro de 2003, é un futbolista galego que xoga como defensa central no Deportivo da Coruña, da Segunda División.
Traxectoria
[editar | editar a fonte]Naceu o 19 de xaneiro de 2003 na Costa da Tapia, onde se instalaran antes de el nacer seus pais Sandra e Toni.[1] Seu pai, orixinario de Cabana de Bergantiños, fora futbolista de varios equipos da Liga da Costa, e militou tamén no Bergantiños de Xulio Díaz a finais da década de 1980.[1]
Socio do Deportivo da Coruña dende o seu nacemento,[1] comezou a xogar ao fútbol no equipo prebenxamín do Atlético San Pedro, co que marcou numerosos goles xogando no centro do campo. Aos oito anos incorporouse ao equipo benxamín do Deportivo e durante os seguintes anos foi subindo polas diferentes categorías inferiores do club. Na tempada 2020/21 formou parte do equipo xuvenil que con Óscar Gilsanz como adestrador conquistou a División de Honra Xuvenil e tamén a Copa de Campións, despois de derrotar na final ao FC Barcelona.[2] Na seguinte campaña disputou a Liga Xuvenil da UEFA, xa ás ordes de Manuel Pablo, sendo titular en todos os partidos, e xogou os 120 minutos do encontro fronte ao Dynamo de Kíiv, caendo xunto ao seu equipo na quenda de penaltis, nun Riazor con máis de 20.000 seareiros nas bancadas.[3]
Na tempada 2021/22 subiu ao Fabril, onde tivo como adestrador de novo a Gilsanz, e afianzouse na defensa titular do equipo. O 12 de novembro de 2022 debutou co primeiro equipo do Deportivo da Coruña, da man de Óscar Cano, na primeira rolda da Copa do Rei ante o Guijuelo, na que integrou a defensa titular xunto a Trilli, Puerto e Retu.[4]
Selección española
[editar | editar a fonte]O seu alto rendemento co Deportivo da Coruña Xuvenil levouno a debutar coa selección española sub-19 en setembro de 2021, nun amigable diante de México.[5]
Palmarés
[editar | editar a fonte]- Fabril
- Deportivo da Coruña
Notas
[editar | editar a fonte]- ↑ 1,0 1,1 1,2 Antelo, Iván (17 de novembro de 2021). "Así es Dani Barcia, la otra joya del Deportivo que desean los grandes". La Voz de Galicia (en castelán). Consultado o 11 de febreiro de 2023.
- ↑ Antelo, Iván (27 de xuño de 2021). "Noel destroza al Barça y el Dépor alza la Copa de Campeones". La Voz de Galicia (en castelán). Consultado o 11 de febreiro de 2023.
- ↑ "Os penaltis cortan inxustamente o soño de #ANOSACANTEIRA na UEFA Youth League (2-2)". 9 de febreiro de 2022. Consultado o 10 de febreiro de 2022.
- ↑ "O Dépor cae en primeira rolda de Copa (2-0)". Deportivo da Coruña. 12 de novembro de 2022. Consultado o 11 de febreiro de 2023.
- ↑ "Trilli se lesiona en el psoas con la selección sub-19". La Voz de Galicia (en castelán). 5 de setembro de 2021. Consultado o 11 de febreiro de 2023.
| Control de autoridades |
|
|---|
