Comité olímpico nacional

Comité olímpico nacional
Acrónimo	NOK e NOC
Tipo	organización
Na rede
	https://olympics.com/ioc/national-olympic-committees e https://olympics.com/cio/comites-nationaux-olympiques
	[ editar datos en Wikidata ]

Un comité olímpico nacional (NOC, polas súas siglas en inglés) é a sede nacional de cada país encargada polo Comité Olímpico Internacional de «fomentar e protexer o Movemento Olímpico nos seus respectivos países».^[1] Pode nomear cidades das súas áreas respectivas como candidatas para Xogos Olímpicos futuros. Estes comités tamén promoven o desenvolvemento dos atletas e preparan aos adestradores e oficiais nun nivel nacional.

Estados membros

Até 2016, existen 206 comités nacionais, representados por nacións soberanas e algúns territorios dependentes. Os 193 países pertencentes ás Nacións Unidas teñen un comité olímpico nacional ademais doutros trece territorios:

República da China, designado como China Taipei polo COI.
Autoridade Nacional Palestina, designada como Palestina polo COI.
República de Kosovo, designada como Kosovo polo COI.
Catro territorios dos Estados Unidos: Samoa Americana, Guam, Porto Rico e as Illas Virxes dos Estados Unidos.
Tres territorios británicos: Bermudas, Illas Virxes Británicas e Illas Caimán.
Unha área pertencente aos Países Baixos: Aruba. As Antillas Neerlandesas perderon o seu status en xullo de 2011, como consecuencia da disolución das Antillas Neerlandesas.
Hong Kong, unha rexión administrativa especial da República Popular da China.
Illas Cook, un estado asociado de Nova Zelandia.

Asociación de Comités Olímpicos Nacionais

Os comités olímpicos nacionais son membros da Asociación de Comités Olímpicos Nacionais (ACNO), a cal tamén está dividida en cinco asociacións segundo o seu continente:

	Asociación	CON	CON máis antigo	CON máis novo
África	Asociación de Comités Olímpicos Nacionais de África	53	Exipto (1910)	Sudán do Sur (2015)^[2]
América	Organización Deportiva Panamericana	41	Estados Unidos (1894)	Dominica (1993) Saint Kitts e Nevis (1993) Santa Lucía (1993)
Asia	Consello Olímpico de Asia	44	Xapón (1912)	Timor Leste (2003)
Europa	Comités Olímpicos Europeos	50	Francia (1894)	Kosovo (2014)
Oceanía	Comités Olímpicos Nacionais de Oceanía	17	Australia (1895)	Tuvalu (2007)