Club Deportivo Tudelano
| CD Tudelano | |||
|---|---|---|---|
| Nome | Club Deportivo Tudelano | ||
| Fundación | 1935 | ||
| Estadio | Ciudad de Tudela, Tudela, Navarra, España | ||
| Inauguración | 17 de agosto de 1969 | ||
| Capacidade | 11.000 | ||
| Presidente |  Fernando Yanguas Zardoya | ||
| Adestrador | José María Lumbreras | ||
| Liga | 2ªB - Grupo 1 | ||
| 2014–15 | 5º (2ªB - Grupo 2) | ||
| Na rede | |||
| http://www.cdtudelano.com/ | |||
| |||
O Club Deportivo Tudelano é un club de fútbol de España, da cidade de Tudela, en Navarra. Foi fundado en 1935 e actualmente xoga na Segunda División B Española.
Historia
[editar | editar a fonte]En 1933, Tudela tiña varios equipos de fútbol de peñas como El Vegetariano, Tudela CF, Ancora Fordín, Arenas, Gazte-tasun ou Muskaria Club. Moitos deses equipos, en 1935, decidiron fusionarse e xorde así a sociedade coñecida como Club Deportivo Tudelano.
En 1955 xogou a liguiña de ascenso a Segunda División, tras acabar o equipo de Tudela campión do seu grupo, aínda que non ascendeu. Na tempada 1976-77 lograría o ascenso a Segunda División B tras unha restructuración de categorías, pero non logrou a permanencia.
Na tempada 1983-84 o Tudelano quedaría campión de Terceira xogando de novo a fase de ascenso, e foi o Marbella quen na promoción eliminou os navarros. Ese mesmo ano foi campión de Copa da Liga de España, derrotando ao Yeclano por 4-2.
En 1991 quedou campión do seu grupo, xogou a promoción de ascenso a Segunda División B e conseguiuno. Disputou a liguiña contra Escobedo, Elgoibar e Sabiñánigo, gañando aos dous primeiros. Militou na categoría do bronce español durante 5 tempadas consecutivas.
Nas tempadas 2009/10 e 2010/11 proclamouse campión de Terceira, pero non logrou o ascenso en ningunha das dúas ocasións.
Finalmente, na tempada 2011/12 o Tudelano logra o ascenso a Segunda División B despois de 16 anos de ausencia. O equipo acabou terceiro na liga e superou na promoción a Azuqueca, Villarrobledo e Catarroja.[1]
Uniforme
[editar | editar a fonte]- Uniforme titular: Camiseta branca, pantalón negro, medias brancas.
- Uniforme alternativo: Camiseta negra, pantalón negro, medias negras.
Estadio
[editar | editar a fonte]- Artigo principal: Estadio Ciudad de Tudela.
O campo do CD Tudelano é o Estadio Ciudad de Tudela, chamado José Antonio Elola ata 2012, que substituíu o Campo Municipal de Griseras. Ten capacidade para 11.000 espectadores.
Datos do club
[editar | editar a fonte]Xogadores destacados
[editar | editar a fonte]
Palmarés
[editar | editar a fonte]- Terceira División Española (5): 1954-55, 1983-84, 1990-91, 2009-10, 2010-11
- Subcampión da Terceira División (1): 1989-90
- Copa da Liga de Terceira División (1): 1984
Notas
[editar | editar a fonte]- ↑ "Cúmprese o soño 16 anos despois". Arquivado dende o orixinal o 27 de xuño de 2012. Consultado o 24 de xuño de 2012.