Sestao River Club

Sestao River
Sestao River
Nome	Sestao River Club
Alcume(s)	River
Fundación	1996
Estadio	Las Llanas,; Sestao, España
Inauguración	1923
Capacidade	8.905
Presidente	José Carlos Garaizar
Adestrador	José Luis Ribera
Liga	2ªB – Grupo 2
2011–12	10º
Patrocinador	ACB (Acería Compacta de Bizkaia)
Na rede
	http://www.sestao-river.com
Titular	Alternativo

O Sestao River Club é un club de fútbol español da cidade de Sestao (Biscaia). Foi fundado en 1996 tras a desaparición do Sestao Sport e actualmente compite na Segunda RFEF.

Historia

O Sestao River Club recolle o legado do histórico Sestao Sport Club, desaparecido no verán de 1996 por problemas económicos.

Tras a disolución do Sestao Sport fundouse un novo club na localidade de Sestao con vocación de continuar a tradición do vello Sestao. As mesmas cores, o mesmo terreo de xogo (loxicamente), un escudo practicamente igual e a mesma afección (obviamente), unicamente cambiou de forma lixeira o nome do club xa que o novo Sestao denominouse Sestao River Club no canto de Sport Club, institucionalizando no nome do novo club o alcume de River que posuía o vello Sestao. Este alcume vénlle ao Sestao por que na tempada 1954-55 lograr o primeiro ascenso a Segunda, e ese ano arrasou na súa categoría, e casualmente veu a Europa o River Plate da Arxentina,que fixo unha xira arrasando e por iso se lle empezo a chamar ao Sestao "River".

Tras comezar a súa andaina nas categorías inferiores do fútbol rexional biscaíño e obter tres ascensos consecutivos, o Sestao alcanzou a Terceira División en 1999. Cinco anos mantívose nesta categoría, sempre na parte alta da táboa, ata obter o seu primeiro ascenso á Segunda División B en 2004. Perdeu a categoría na tempada do seu debut, pero en 2006 volveu lograr o ascenso a Segunda B. Actualmente milita nesta categoría.

Uniforme

Uniforme titular: Camiseta verdinegra a 4 raias, pantalón negro cunha fina raia verde e medias negras.
Uniforme alternativo: Camiseta branca con detalles verdes e pantalón verde con medias brancas.

Estadio

O Sestao River xoga no Campo Municipal de Las Llanas, inaugurado en 1923. O seu aforamento é de 4.350 espectadores e as dimensións do terreo de xogo 103 x 65 metros.

Está prevista a construción dun novo estadio no terreo de Las Canteras, debido á antiguidade de Las Llanas.