Avianca

Avianca Aerovías del Continente Americano S.A.
IATA AV	OACI AVA	Indicativo AVIANCA
Fundación		5 de decembro de 1919 (como SCADTA)
Aeroporto principal		Aeroporto Internacional El Dorado
Plan de voo frecuente		LifeMiles
Alianza		Star Alliance
Frota		86
Destinos		100
Holding		Synergy Group
Páxina web: http://www.avianca.com/

Boeing 767 de Avianca

Avianca S.A. (acrónimo de Aerovías Nacionales de Colombia S.A., actualmente Aerovías del Continente Americano S.A.) é a aeroliña nacional de Colombia. Fundouse o 5 de decembro de 1919, cando inicialmente rexistrouse baixo o nome de SCADTA. A súa sede atópase en Bogotá, estando o seu principal centro de operacións no Aeroporto Internacional El Dorado. Avianca é tamén unha marca que abrangue un grupo de sete aeroliñas latinoamericanas con códigos IATA independentes, que combinan as súas operacións para funcionar como unha compañía usando un sistema de códigos compartidos. Avianca é a aeroliña máis grande de Colombia e a segunda de Latinoamérica: xunto coas súas subsidiarias ten a rede máis extensa de destinos de toda Latinoamérica e unha das frotas máis grandes e modernas do continente. É propiedade de Synergy Group S.A., un grupo latinoamericano fundado por Germán Efromovich e especializado no transporte aéreo.

O 7 de outubro de 2009 anunciouse que Avianca fusionaríase con TACA. En 2009 Avianca celebrou o seu 90 aniversario sendo a segunda aeroliña máis antiga do mundo aínda operativa (tras KLM).

O 21 de xuño de 2012, Avianca foi presentada como membro oficial da Star Alliance tras un proceso que durou uns 18 meses dende o anuncio inicial de ser invitada a unirse á alianza.

Frota

Frota de Avianca

Avión	En servizo	Pedidos	Opcións	Pasaxeiros			Notas
				J	Y	Total
ATR 42	9	—	—	—	48	48	4 avións van ser vendidos
ATR 72-600	7	5	—	—	68	68
Airbus A318-100	10	—	—	12	88	100
Airbus A319-100	25	23	—	12	108	120
Airbus A320-200	54	18	—	12	138	150	5 equipados con Sharklets
Airbus A320neo	—	33	—	TBA
Airbus A321-200	5	10	—	12	182	194	Equipados con Sharklets
Airbus A330-200	11	9	—	30	222	252	Un alugado a TACA
Airbus A350-900	—	10	10	TBA			Primeira entrega programada para 2018 a Avianca Brasil.
Boeing 787-8	1	14	5	TBA			Primeira entrega programada para outubro de 2014.
Cessna 208	10	—	—	—	12	12
Embraer 190	12	3	—	8	88	96
Total	141	126	15