Asolagados
| Asolagados | |
|---|---|
| Ficha técnica | |
| Director | David Vázquez Vázquez |
| Produtor | Airoá Comunicación, Pinancho Audiovisais |
| Guión | Afonso Eiré |
| Música | Chechu Carballido, A Quenlla (grupo musical) |
| Fotografía | Humberto Novoa |
| Duración | 60 minutos |
| Orixe |  Galicia |
| Xénero | documental |
Asolagados é un documental de 2013, producido por Airoá Comunicación - Pinancho Audiovisais e dirixido por David Vázquez Vázquez, con guión de Afonso Eiré.
Documental sobre a xente e os lugares (Abideira, Porto, Castro Candaz, Santa Marta, Pincelo, A Samugueira, San Paio, Mourulle, Portomeñe, A Ermida, Ribó, Ponte Fortes...), anegados polo encoro de Belesar en 1963.[1][2]
Características
[editar | editar a fonte]As imaxes do equipo Coa auga ao pescozo[3] reflicten a Ribiera Sacra e o Río Miño, os restos de casas, adegas, eidos e como sufriu a contorna natural ao desapareceren árbores e plantas. Dez testemuñas que viviron nos lugares contan como o viviron e tiveron que fuxir cara a outros sitios. David Vázquez aproveitou o baleirado temporal dotramo do Miño durante os anos 2011 e 2012 para gravar o que nunca antes se vira en cincuenta anos.[4]
Estivo en aberto durante tres meses na canle Vimeo da Deputación de Lugo[5], desde onde se animou á cidadanía a descubrir “un traballo excepcional ao redor dun suceso que forma parte da nosa historia” e que hoxe, á vista do que está a acontecer coa suba da luz, ofrece tamén unha oportunidade para tirar conclusións sobre como dende o Estado se repartiron e reparten os custos e os beneficios da produción de enerxía eléctrica en Galiza”.[6]
Colaboradores:
- Dirección e montaxe: David Vázquez
- Produción e promoción: Cristina López (Kris Pereira´s)
- Cámara: Humberto Novoa
- Son: Luis A. García Linares
- Guión: Afonso Eiré
- Música: Chechu Carballido e A Quenlla (música orixinal)
- Locución: Fernando Morán
- Deseño de carteis: Lomarti
- Deseño gráfico e créditos: Alba Sánchez
- Colaboración produción: Mercedes Vázquez e Begoña Sánchez
O documental tivo unha grande acollida en festivais como o 18º Cinema As Américas International Film Festival de Austin Texas ou o festival de cinema underground de Berlín entre outros.
En agosto de 2024 presentouse en Chantada Recordos Asolagados, unha curta de15 min con fragmentos do proxecto.
Premios
[editar | editar a fonte]- Premio Xornalístico Documental Moncho Do Pio 2014.[7]
- Rios - Festival Internacional de Cinema Documental e Transmedia Vila Real (Portugal) 2015.
Notas
[editar | editar a fonte]- ↑ "Asolagados (2013)" (en castelán). Consultado o 2022-05-04.
- ↑ "A memoria das aldeas anegadas polo encoro de Belesar CRTVG". www.crtvg.es. Consultado o 2022-05-04.
- ↑ Rodil, Ana (2013-08-10). "David Vázquez: Hai xente que non superou que a súa casa quedase debaixo da auga, que hoxe aínda chora". El Progreso de Lugo. Consultado o 2022-05-04.
- ↑ Cortés, Carlos (2014-09-26). "David Vázquez: «Estamos subtitulando 'Asolagados' en inglés para enviar o documental a máis festivais»". La Voz de Galicia. Consultado o 2022-05-04.
- ↑ Lemos, Diario de (2021-09-20). "El documental 'Asolagados', de David Vázquez, disponible en el canal de Vimeo de la Diputación". Diario de Lemos (en castelán). Arquivado dende o orixinal o 16 de maio de 2022. Consultado o 2022-05-04.
- ↑ "DOCUMENTAL “ASOLAGADOS” , DE DAVID VÁZQUEZ, PODERASE VER NA CANLE DE VIMEO DA VICEPRESIDENCIA DA DEPUTACIÓN". encomun.es. Consultado o maio 2022.
- ↑ "Moncho do Pío". Biblioteca Pública Municipal de Chantada. Consultado o 2022-05-04.