Richard Leakey
Richard Erskine Frere Leakey, nado en Nairobi (Kenya) o 19 de decembro de 1944 e finado o 1 de xaneiro de 2022, foi un paleontólogo e conservacionista kenyano de orixe británica.
 (1986)  | |
| Biografía | |
|---|---|
| Nacemento | (en) Richard Erskine Frere Leakey 19 de decembro de 1944 Nairobi, Kenya |
| Morte | 2 de xaneiro de 2022 (77 anos) Nairobi, Kenya, preto do lugar |
| Lugar de sepultura | Ngong Hills (en)  |
| Director National Museums of Kenya (en) | |
| 1974 – 1989 | |
| Director de museo | |
| | |
| Datos persoais | |
| Relixión | Ateísmo |
| Educación | Lenana School (en) |
| Actividade | |
| Campo de traballo | Paleoantropoloxía, conservação da natureza (pt) , animal protection (en) , política, Parque nacional, museo nacional, paleontoloxía e Monumento natural |
| Ocupación | paleoantropólogo, profesor universitario, autobiógrafo, paleontólogo, ecoloxista, político, conservacionista, antropólogo |
| Empregador | Universidade de Stony Brook (2002–) |
| Partido político | Safina (en) |
| Membro de | |
| Movemento | Humanismo |
| Familia | |
| Cónxuxe | Meave Leakey (1970–) |
| Fillos | Louise Leakey |
| Pais | Louis Leakey e Mary Leakey |
| Irmáns | Philip Leakey Jonathan Leakey |
| Premios | |
| Descrito pola fonte | Medvik >>>:Leakey, Richard E., 1944-,  Africa: An Encyclopedic Reference (en) , (vol:2) |
     | |
Traxectoria
editarLeakey comezou a súa carreira seguindo os pasos dos seus pais, Louis e Mary Leakey, coa descuberta dos fósiles de homínidos na África Oriental, entre os que destaca o neno de Turkana, atopado en Koobi Fora, preto do Lago Turkana, dunha antigüidade de 1,5 millóns de anos. É o esqueleto de Homo erectus máis completo que se atopou ata o de agora. Leakey e Roger Lewin describiron este descubrimento e a súa interpretación no seu libro Origins Reconsidered (1992).
En 1989 o presidente de Kenya, Daniel Arap Moi nomeouno xefe do Kenyan Wildlife Service (KWS), en resposta ás críticas internacionais pola progresiva desaparición dos elefantes e o impacto que estaba tendo na vida salvaxe do país. Leakey creou unidades ben armadas e adestradas para loitar contra da caza ilegal, que procuraba o marfil, do elefante, que resultaron moi eficaces, pero que tamén lle ocasionou incontables inimizades con parte da poboación e políticos locais pola firmeza en aplicar a súa política e polo seu carácter incorruptible.
En 1993 Leakey perdeu ambas as pernas nun accidente de avioneta, sospeitouse que fora unha sabotaxe, pero non se puido probar, diante o anuncio do goberno kenyano de evidencias de corrupcións no KWS, Leakey dimitiu en xaneiro de 1994. Foi substituído por David Western. As súas experiencias no KWS contounas no seu libro Wildlife Wars: My Battle to Save Kenya's Elephants (2001).
En maio de 1995 Richard Leakey uniuse a un grupo de intelectuais kenyanos para lanzar un novo partido, Safina, do que foi secretario xeral e deputado dende 1997. En 1999 a insistencia internacional nomeou a Leakey secretario do gabinete e xefe do servizo civil, posto no que permaneceu ata 2001.