Artea (antes chamado oficialmente Castillo y Elejabeitia; usándose en éuscaro os nomes de Gaztelu-Elexabeitia e Arteaga) é un municipio do val de Arratia, na provincia de Biscaia, País Vasco.
En Artea atópase a pequena igrexa parroquial de San Miguel, de planta rectangular simple. Foi edificada a principios do século XVI e completada nos cen anos sucesivos con distintos elementos de carpintería de armar de certo interese: o coro tallado de celosía (1540 ca.), o teitume aparente de pares con almizate plano (1600 ca.) e a torre de campás, armada en 1621, deformada por Basterra en 1923 e completamente restaurada co resto do edificio en 1990. Dispón dun pórtico perimétrico envolvente que inclúe unha capela aberta e zona destinada a cemiterio ao redor da cabeceira.
