Limes
Un limes (en latín limes, IPA [ˈliːmɛs] “arrayu, lindi”) costituia un bordi defensivu que sirvia pa destraçal las zonas d’enfruyéncia en Roma.
Destribución
[Edital | Editá'l códigu]
Los limites (IPA [ˈliːmɪteːs]) mas emportantis el Empériu s’estendian al norti, aprovechandu los culsus los rius Rin i Danúbiu i ena isla de Gran Bretaña, manque tamién los ubun ena parti sul el Empériu, polos atualis territórius el norti d’África, p’Arábia i Síria.
Propósitu
[Edital | Editá'l códigu]El bordi los limites romanus se destraçaban con murus, torretas defensivas a ca cierta distáncia i puertas. El prencipal ojetivu era cubril zonas conflitivas d’arrayu con una proteición pelmanenti, de mó i maea que la enfruyéncia romana a dambus a dos laus la murallas premitiera cierta siguráncia. Con el tiempu, estas zonas froterizas huerun emportantis bichas comelcialis i albarcaban núclius puebracionalis consierabris, nacius la huerça dellus d’assentamientus melitaris.
Las mas emportantis obras tuvun lugal entri los sigrus I i II, prencipalmenti cona úrtima espansión Trajanu i cona política delimitativa i de siguráncia los posterioris emperaoris Adrianu i Antoninu Piu.
Prencipalis limites
[Edital | Editá'l códigu]- Muru Adrianu. En Britania.
- Muru Antoninu. En Britania.
- Muru Setímiu Severu. En Britania.
- Limes de pal Rin, pola Germania.
- Limes danubianu. Pa pol Dacia i Panonia.
- Limes africanu. Al norti África.
- Limes arábigu-judiu. Deseparaba el disiertu árabi del territóriu romanu.
- Limes oriental. Deseparaba las províncias de Siria i Capadocia de los partus.