Donina
La donina [dʊˈni͂na] (nom. cient. Mustela nivalis) es un animal mamíferu dela familia delos mustélidus.
Sinonimia
EditalLas doninas tamién se conocin comu golosinas i comadrejas, nombri que'l castellanu lo tien más destensu.
Esparramamientu
EditalEs un animal mu corrienti polos paísis mediterranius, Asia i América del Norti desquitandu angunas islas mediterranias i alánticas. En Estremaúra son tamién corrientis i bastanti temías polas larzinas que hazin conas avis de corral i conos conejus.
Morfología
EditalComu otrus mustélidus, la donina muestra un cuerpu i un pescueçu alargaus, patinas cortas i rabu largu. El pelagi es cortu de colol pardu claru pola parti dossal i brancu por baxu, nel pechu i barriga, desquitandu el rabu que es siempri del mesmu colol.
Tienin un cuerpu mu finu que la dexa entral-si pol qualquiera tallisca, de largu entre 15 i 25 cm i el rabu entre 3 i 7 cm, puyendu pessal entre 45 a 250 g. Las hembras son más menuínas que los machus.