Tangart

Zurezko tangarra, XVI. mendeko *Mary Rose* karrakan aurkitutakoa.

Tangart-a (tangarra)^[1] edo tanga (tangia)^[2] landa-eremuan erabili izandako ontzi mota bat da, helduleku bakarrarekin.

Erabilpenak

Edatekoa denean, orokorrean handia eta zilindro forma zakarrekoa da, normalean metalezkoa (zilarra, peltrea) baina beste materialak ere arruntak izan dira, hala nola zura, zeramika edo larrua.^[3] Tangarrek estalki bat ere izan dezakete, eta beirazko hondoak dituztenak ere ohikoak dira.

Itsasoan, tangarrak marinelek ontzien barrena urez husteko erabili ohi izan duten tresna da. Tradizionalki egurrezkoa,^[4] XX. mende erditik aurrera, plastikoa ere erabili izan da (leungarri ontzi erdibitu bat berrerabiliz, adibidez).^[5]

Historia

Tangarra ("tankard" eta "tanke" erdarazko hitzen jatorri berekoa) jatorriz egurrezko edozein ontziri esaten zitzaion (XIII. Mendean). Geroago hartu zuen edateko ontziaren esanahia.^[3] Lehen tangak zurez eginak ziren, upelaren antzekoak, eta ez zuten estalkirik. Galesen, 2000 urteko zurezko tangart baten aztarnak aurkitu dira. ^[6] ^[7]