Christiansborg jauregia
| Christiansborg jauregia | |
|---|---|
| |
| Kokapena | |
| Estatu burujabe |  Danimarka |
| Estatu | Danimarka |
| Eskualdea | Hovedstaden |
| Udalerria | Copenhagen Municipality |
| Koordenatuak | 55°40′33″N 12°34′44″E / 55.675833333333°N 12.578888888889°E |
 | |
| Altitudea | 11 m, itsas mailaren gainetik |
| Historia eta erabilera | |
| Irekiera | 1740 |
| Izenaren jatorria | Kristian VI.a Danimarkakoa |
| Arkitektura | |
| Arkitektoa | Elias David Häusser (en)  |
| Estiloa | arkitektura barrokoa |
| Webgune ofiziala | |
- Artikulu hau jauregiari buruzkoa da; beste esanahietarako, ikus «Borgen».
Christiansborg jauregia (danieraz: Christiansborg Slot) Kopenhageko Slotsholmen irlan (gazteluaren irla) dagoen jauregia da. Danimarkako gobernuaren egoitza da eta bertan daude halaber Folketing (parlamentua) eta Epaitegi Gorena.
Historia
[aldatu | aldatu iturburu kodea]1167. urtean Roskildeko Absalon apezpikuak gaztelua eraiki zuen tokian dago Christiansborg jauregia. Absalonen gazteluak piraten eta Hansako Ligako hirien erasoak jasan zituen eta erabat suntsitua izan zen 1369. urtean. 1417an Erik VII.a apezpikuaren botereari aurre egin eta gaztelu berria eraiki zuten, Kopenhageko gaztelua, hiria errege familiaren eskutan gelditu zelarik. Gazteluak hainbat hedapen eta berreraikitze izan zuen hurrengo urteetan.
Lehen jauregia
[aldatu | aldatu iturburu kodea]XVIII. menderako gaztelua egoera eskasean zegoen eta 1733 eta 1745 artean Kristian VI.a erregeak aurreko gaztelua bota eta bere izeneko jauregia eraiki zuen, Christiansborg Slot (Christiansborg jauregia) izena ezarriz. Hala ere 1794. urtean sute batek erabat suntsitu zuen. Errege familia orduan Amalienborg jauregira joan zen bizitzera, hasieran denboraldi baterako baina azkenean bertan izan dute beren egoitza gaur egunera arte.
Bigarren jauregia
[aldatu | aldatu iturburu kodea]1803. urtean bigarren Christiansborg jauregia eraikitzen hasi ziren Christian Frederik Hansen arkitektoaren gidaritzapean. 1828. urtean bukatu zutenean Frederik VII.ak bertan ez bizitzeko asmoa azaldu zuenez hantxe kokatu zen Folketing parlamentua. Baina jauregi honek ere sute bat izan zuen 1884. urtean eta eraikinaren zati gutxi batzuk baino ez ziren salbatu, tartean kapera.
Hirugarren jauregia
[aldatu | aldatu iturburu kodea]Thorvald Jørgensen arkitektoak diseinatu zuen, horretarako lehiaketa irabazi ondoren, eta hau da gaur egunera iritsi den jauregia. 1907 eta 1928 artean eraiki zuten neo-barroko estiloan.
Kanpo estekak
[aldatu | aldatu iturburu kodea]- (Danieraz)(Ingelesez) Webgune ofiziala
Datuak: Q940733
Multimedia: Christiansborg Palace / Q940733