Caponata
| Caponata | |
|---|---|
| erregosi eta alberjinia plater | |
 | |
| Osagaiak | alberjinia |
| Historia | |
| Jatorria | Italia |
Caponata (italieraz) edo capunata (sizilieraz) Sizilia prestatzen den janaria da, batez ere alberjinia, tipula, tomatea, apioa, oliba berdeak eta kaparrak dituena. Barazkiak ozpin pixka batekin eta oliba-olio pixka batekin egosten dira, eta beroa edo hotza jan daiteke Siziliako sukaldaritzako klasiko bat da, eta aldaera ugari ditu eskualdearen arabera[1]. Janari hau oso zabaldua dago Mediterraneo inguruko herrialdeetan[2], batez ere Napolin eta Tunisian. Plater nagusia edo osagarria izan daiteke.
Ezaugarriak
[aldatu | aldatu iturburu kodea]30 aldaera baino gehiago daude, horietako batzuk gurinarekin, antxoekin, arrainarekin eta sasoiko beste ongailu batzuekin.
Palermitana
[aldatu | aldatu iturburu kodea]Palermo eta bere eskualdean ohikoena. Aldaera errazena da. Hauek dira osagaiak: alberjiniak (Violetta lunga palermitana edo Nera lunga), oliba berdeak edo zuriak, tipula, apioa, kaparrak, tomate saltsa, olioa, gatza, ozpina eta azukrea. Zenbait aldaeratan, albaka, pinaziak eta arbendol txigortu birrinduak gehitzen dira[3]. Jatorrizko errezetak zorrozki eskatzen du frijitu beharreko alberjiniak zati ez txikitan moztuta egotea (4-5 cm ingurukoak), siziliar oliba osoak birrinduta eta hezurrik gabe (inoiz ez aperitiboko oliba hezurgabetuak), apio zatiak ikusteko moduan, siziliar kaparrak, tipula zati txikitan moztuta.
Bada beste aldaera bat Palermo aldean, tradizioaren omenez, oinarrizko caponatarekin "capone" arraina (Coryphaena hippurus) jaten zenez, ezpata-arraina dadotan moztu, irineztatu eta frijitu egiten da, eta caponatari gehitzen zaio, prestatzen ia amaituta dagoenean.
Agrigentina
[aldatu | aldatu iturburu kodea]
Hauek dira Agrigento eta bere eskualdeko aldaeraren osagaiak: alberjiniak, arramascati piperrak, tomatea, tipula zuria edo morea, apioa, oliba berdeak, oliba beltzak, kaparrak, ozpina, azukrea, eztia, pipermina, udako meloia, albaka, pinaziak, mahaspasak, pistatxoak eta arbendolak (oso ohikoak inguruan).
Trapanese
[aldatu | aldatu iturburu kodea]Trapani eta bere eskualdekoa. Oinarrizko alberjinia, piper, tipula, tomate heldu, apio, oliba berde, kapar, ozpin eta azukrearekin batera, arbendol txigortuak gehitzen dira[4].
Catanese
[aldatu | aldatu iturburu kodea]Cataniakoa. Beste caponata batzuetatik bereizten da, alberjinia eta tomatea nagusitzen direlako, pinazi eta albaka freskoarekin konbinatuta[4].
Messinese
[aldatu | aldatu iturburu kodea]Messinako errezeta ezberdina da tomate zurituak daudelako saltsaren ordez. Tomate zati osoek, trinko egotean, ez dute caponata "koloreztatzen", eta, beraz, barazkiak gehiago nabarmentzen dira, bai kolorez bai zaporez. Messinako caponata albaka-hosto batzuekin apaintzen da.
Erreferentziak
[aldatu | aldatu iturburu kodea]- ↑ (Italieraz) Caponata. lacuisineitalienne.fr 2014-06-10..
- ↑ (Italieraz) Francesca Poidomani. Storia della caponata siciliana. taccuinistorici.it (Noiz kontsultatua: 2018-07-01).
- ↑ (Italieraz) Come preparare la caponata di melanzane alla palermitana. Guide di Cucina (Noiz kontsultatua: 2018-06-16).
- ↑ a b (Italieraz) Le ricette diverse della caponata siciliana: Trapani VS Catania. La Cucina Italiana 2017-02-19 (Noiz kontsultatua: 2018-05-16).
