Bidaurreta

Bidaurreta
	Nafarroa Garaia, Euskal Herria
	Bidaurreta Beraskoaindik ikusita. Atzean Sarbil mendilerroa.
; Bandera	; Armarria
Kokapena
Herrialdea	Euskal Herria
Lurraldea	Nafarroa Garaia
Merindadea	Iruñea
Eskualdea	Iruñerria
Administrazioa
Estatua	Espainia
Erkidegoa	Nafarroa
Izen ofiziala	Bidaurreta
Alkatea	Antonio María Goikoetxea Armendaritz; (Saigola)
Posta kodea	31174
INE kodea	31253
Herritarra	bidaurretar
Geografia
Koordenatuak	42°46′36″N 1°49′58″W / 42.776666666667°N 1.8327777777778°W
Azalera	5 km²
Garaiera	432 metro
Distantzia	19,5 km (Iruñetik)
Demografia
Biztanleria	165 (2023: −2)
Dentsitatea	33,27 bizt/km²
Zahartzea	% 36,99
Ugalkortasuna	‰ 68,97
Ekonomia
Jarduera	% 82,61 (2011)
Desberdintasuna	% 0 (2011)
Langabezia	% 5,23 (2013)
Euskara
Euskaldunak	% 14,90 (2018: %6,57)

Artikulu hau udalerriari buruzkoa da; Oñatiko monasterioa gaitzat duena beste hau da: «Bidaurreta monasterioa»

Bidaurreta^[4] ([biðaureta]) Nafarroako Foru Erkidegoko udalerria da. Iruñeko merindadeko herri honek 160 biztanle zituen 2014. urteko erroldaren arabera. Nafarroako hiriburutik 20 kilometrora dago.

Iruñerriko Mankomunitatea zaborra biltzeaz, ura hornitzeaz eta bestelako zerbitzuak eskaintzeaz arduratzen da, Iruñea inguruko gune metropolitarreko beste hainbat herritan bezala.

Geografia

Inguru naturala eta kokapena

Herria Nafarroa erdialdean kokatzen da, Iruñerriko gune metropolitarraren mendebaldean.

Bidaurretak Etxarrirekin egiten du muga iparraldean; Zabaltzarekin ekialdean; Jaitzekin mendebaldean; eta Beraskoain eta Girgillaorekin hegoaldean. Girgillao Lizarrako merindadeko herria delarik.

Historia

Etxauri ibarra zeharkatzen duen NA-7010 errepidea Andion eta Arguiñariz elkartzen zituen galtzada erromatarra izan zela uste da.

Demografia

Bidaurretako biztanleria

Datu-iturria: www.ine.es

2008ko erroldaren arabera, Espainiaz kanpoko bi etorkin bizi ziren herrian, biztanleriaren %1,57 (Nafarroako Foru Erkidegoko batezbestekoaren azpitik).

Politika

Udaletxea

Udaletxea errepidearen ertzean dago eta XIX. mendearen erdialdean eraiki zen, jaurerriak bertan behera geratu eta herria udalerri independente bihurtzean alegia. Bi solairuko eraikuntza askea da, fatxada margotuarekin. Inguruko eraikuntzen estilo arkitektoniko bera dauka. Udalak alkatea eta lau zinegotzi dauzka, eta bertako idazkaria Ziritza, Etxarri eta Etxauriko idazkari ere bada.

HELBIDEA: San Julian kalea, 22

Udal hauteskundeak

Bidaurretako alkatea Saigola (AES) herri ekimeneko Antonio María Goikoetxea Armendaritz da 2007ko udal hauteskundeez geroztik. Baliogabeko botoak 4 izan ziren (emandako guztien %4,88) eta 9 boto zuri izan ziren (botoen %11,54). Abstentzioa %31,09koa izan zen.

**Bidaurretako Udala (2007)**
Alderdia	Botoak	Aukeratua?
Antonio María Goikoetxea Armendariz (AES)	57	Bai
Arturo Zazpe Gorritxo (AES)	46	Bai
Alberto Beloki Arrondo (AES)	42	Bai
Francisco Javier Tabar Urra (AES)	34	Bai
Jose Ignacio Ziritza Markotegi (AES)	31	Bai

2011n ere Saigola izan zen aurkeztutako zerrenda bakarra; Goikoetxeak segitzen du alkate.

Alkateak

Hauek izan dira Bidaurretako azken alkateak:

Alkatea	Agintaldi hasiera	Agintaldi amaiera	Alderdia
	1979	1983
	1983	1987
	1987	1991
	1991	1995
	1995	1999
	1999	2003
	2003	2007
Antonio Maria Goikoetxea Armendaritz	2007	2011	Agrupacion Electoral Saigola
Antonio Maria Goikoetxea Armendaritz	2011	2015	Agrupacion Electoral Saigola
	2015	2019
Enara Rabina Del Rio	2019	Jardunean	Urgunea^[5]

Azpiegitura eta garraioak

La Pamplonesa autobus konpainiak Bidaurreta Iruñearekin batzen du. Autobus lineak honako ibilbidea egiten du:

Bidaurreta - Etxarri - Ziritza - Etxauri - Ibero - Ororbia - Aratzuri - Orkoien eta Iruñea

Euskara

Nafarroako Gobernuak onartutako Euskararen Foru Legearen arabera, Bidaurreta eremu ez-euskalduneko udalerria da, eta hori dela eta, hizkuntza ofizial bakarra gaztelania da. 2001eko erroldaren arabera, herritarren %8,16k zekien euskaraz hitz egiten.

2008an Nafarroako Ezker Batuak eta Nafarroa Baik Euskararen Foru Legea aldatu eta gune mistoan udalerri gehiago sartzeko (horien artean Bidaurreta) proposamena aurkeztu zuten Nafarroako Parlamentuan. UPN ez beste talde guztien baiezko botoarekin proposamena aurrera aterako zela zirudienean, PSN alderdiaren ustegabeko jarrera aldaketak, atzera bota zuen gune mistoaren hedapena^[6].

Jaiak eta ospakizunak

San Agustinen omenez abuztuaren 28aren inguruan.

Ondasun nabarmenak

San Julian eliza: XIII. eta XIV. mendeen artean birmoldatutako Erdi Aroko jatorria duen eraikuntza da. Harriz egindako nabe karratu bakarreko eliza da, oinarrian kanpandorrea duena. Alboetako kaperak mendez mende egindako birmoldaketen ondorio dira.

Erreferentziak

↑ ^a ^b ^c ^d ^e Euskal Herriari Begira. Udalbiltza.
↑ Euskara ezagutza tasa. (2010) Euskal Herriari Begira (Udalbiltza), Eustat, INE, NASTAT eta Euskal Herriko Hizkuntza Adierazle Sistema (EAS).
↑ Nafarroako Gobernua. (2018). Nafarroako Datu Soziolinguistikoak. Euskarabidea, 48-53 or..
↑ Euskaltzaindia. 155. araua: Nafarroako udal izendegia. .
↑ (Gaztelaniaz) «Base de datos de Alcaldes y Concejales:: Ministerio de Política Territorial y Función Pública ::» www.mptfp.gob.es (Noiz kontsultatua: 2020-05-13).
↑ Euskarakultur.com webguneko albistea.

Ikus, gainera

Kanpo estekak

Euskarazko Wikipedian bada atari bat, gai hau duena:
Euskal Wikiatlasa

Datuak: Q1753024
Multimedia: Bidaurreta / Q1753024
Liburuak: Euskal Herriko bidaia-gida/Herriz herri/Bidaurreta

[Udalbiltza-1] Euskal Herriari Begira. Udalbiltza.

[Udalbiltza2-2] Euskara ezagutza tasa. (2010) Euskal Herriari Begira (Udalbiltza), Eustat, INE, NASTAT eta Euskal Herriko Hizkuntza Adierazle Sistema (EAS).

[3] Nafarroako Gobernua. (2018). Nafarroako Datu Soziolinguistikoak. Euskarabidea, 48-53 or..

[4] Euskaltzaindia. 155. araua: Nafarroako udal izendegia. .

[:0-5] (Gaztelaniaz) «Base de datos de Alcaldes y Concejales:: Ministerio de Política Territorial y Función Pública ::» www.mptfp.gob.es (Noiz kontsultatua: 2020-05-13).

[6] Euskarakultur.com webguneko albistea.

[1]

[2]

[3]

[4]

[5]

[6]