Fiŝo

	« Ĉiam ekzistas pli granda fiŝo. »   « There's always a bigger fish. » — Qui-Gon Jinn, Star Wars Episode I: The Phantom Menace

El la Zamenhofa proverbaro

	« Al la fiŝo ne instruu naĝarton. »

	« Barakti kiel fiŝo ekster la akvo. »

	« Batadi kiel fiŝo kontraŭ glacio. »

	« Fiŝo granda naĝas profunde. »

	« Fiŝo ne iras, sed hoko ĝin tiras. »

	« Fiŝo pli granda malgrandan englutas. »

	« Fiŝo scias pri naĝo ankaŭ sen via saĝo. »

	« Fiŝo sen vino estas veneno. »

	« Fiŝo serĉas dronon, homo serĉas bonon. »

	« Fiŝo serĉas profundon, homo serĉas abundon. »

	« Fiŝo volas naĝi. »

	« Gasto kiel fiŝo baldaŭ fariĝas malfreŝa. »

	« Ĝi estas nek viando, nek fiŝo. »

	« Infanoj kaj fiŝoj voĉon ne havas. »

	« La manĝota fiŝo estas ankoraŭ en la rivero. »

	« Putrado de fiŝo komenciĝas de l' kapo. »

	« Volus kato fiŝojn, sed la akvon ĝi timas. »

	« Ekzistas ezoko, por ke fiŝetoj ne dormu. » — Zamenhofa proverbaro

Aliaj aŭtoroj

	« Por Salisbury insula situo de Anglio signifis ke ideala politiko devus esti aktiveco en maraj areoj kaj manko de fortaj kaj devigaj rilatoj en la kutimaj kontinentaj unioj. “Ni estas fiŝoj” diris li foje rekte. » — Henry Kissinger, Diplomatio [1994]

Vidu ankaŭ

• Besto