Santovka
Santovka, hungare Szántó estas vilaĝo en Slovakio, en Regiono Nitra, en Distrikto Levice.
- Areo: 18 km²
- Supermara alteco: 162 m
- Loĝantaro: 810
- Poŝtkodo: 935 87
- Aŭtokodo: LV
- Telefonprefikso: 36
Situo
[redakti | redakti fonton]La vilaĝo situas en valo de rojo, laŭ flankovojoj. Šahy troviĝas 22 km-ojn for.
Historio
[redakti | redakti fonton]La unua mencio pri la vilaĝo devenis el 1245. La kampoj apartenis al fora abatejo. La abato funkciigis lernejon ekde la 15-a jarcento. En 1552 la turkoj okupis la vilaĝon. La kuracakvo malkovriĝis ekde la 16-a jarcento. En 1910 loĝis tie 485 da homoj, (hungaroj en majoritato, slovakoj en minoritato). Ĝis 1919 la vilaĝo apartenis al Hont, al distrikto de Ipolyság, poste al Ĉeĥoslovakio. Inter 1938-1945 la vilaĝo situis laŭ la nova landolimo en la slovaka flanko. La unua Arbitracio de Vieno deklaris, ke tiuj komunumoj, kie la slovakoj vivas en majoritato, apartenu al Slovakio. Post la 2-a mondmilito la hungaroj iĝis senrajtaj laŭ Dekretoj de Beneš. En 2001 loĝis tie 864 da homoj, (756 slovakoj, 79 hungaroj).
Vidindaĵoj
[redakti | redakti fonton]- baroka katolika preĝejo omaĝe al Ĉieliro de Dipatrino de 1754
- abatejo el la 18-a jarcento
- termala banejo, la kuracakvo estas vendata en boteloj nomata "Santovka"
- baroka kastelo de 1775
- baroka kastelo el la 18-a jarcento
Famuloj
[redakti | redakti fonton]En la iama Szántó naskiĝis hungara agronomo Sándor Konkoly-Thege.