Sanna Marin

Sanna Marin
Persona informo
Sanna Marin
Naskonomo	Sanna Mirella Marin
Naskiĝo	16-an de novembro 1985 (1985-11-16) (38-jaraĝa) en Helsinko
Lingvoj	finna • sveda • angla • germana vd
Loĝloko	Kaleva • Tampere • Espoo • Pirkkala vd
Ŝtataneco	Finnlando vd
Alma mater	Universitato de Tampere - scienco pri publika administrado (2007–2017) Suupanniitty School (en) Pirkkalan yhteislukio Silmu (en) vd
Partio	Finnlanda socialdemokratia partio vd
Familio
Edz(in)o	Markus Räikkönen (2020–2023) vd
Infanoj	1
Profesio
Okupo	politikisto vd
Laborkampo	Politiko, local administration (en) kaj socialdemokratio vd
Aktiva en	Tampere • Helsinko vd
Postenoj Postenoj partiestro (2020–2023) Ĉefministro de Finnlando (2019–2023) Finnish Minister of Transport and Communications (en) (2019–2019) membro de la finnlanda parlamento (2019–2023) membro de la finnlanda parlamento (2015–) magistratano en Finnlando (2012–2015) vd
Honorigoj Honorigoj (22-a de oktobro 2024)  Order of the Polar Star - Commander's Grand Cross (en) (2023)  Helmut-Schmidt-Zukunftspreis (en) (6-a de decembro 2022)  Grand Cross of the Order of the White Rose of Finland (en) (2020)  "100 virinoj" de BBC  doktoro de humana literaturo vd
En TTT	Oficiala retejo vd
Ĉefministro de Finnlando
Dum	2019–2023
Antaŭulo	Antti Rinne
Sekvanto	Petteri Orpo
partiestro de la socialdemokratia partio
Dum	2020–
vd	Fonto: Vikidatumoj

Sanna MARIN (naskiĝis la  16-an de novembro 1985(nun 1985-11-16) en Helsinko) estas finnlanda socialdemokratia politikistino. Ŝi estis ĉefministro de la lando ekde la 10-a de decembro 2019 ĝis la 20-an de junio 2023. Je la enoficigo ŝi estis la plej juna registarestro en la mondo kaj ankaŭ la plej juna ĉefministro en la historio de Finnlando.

Marin estas parlamentano ekde 2015 kaj, antaŭ sia ĉefministriĝo, estis ministro de transporto kaj komunikado ekde junio 2019. Ŝi estas la tria virino-ĉefministro de la lando. La antaŭaj estis Anneli Jäätteenmäki (2003) kaj Mari Kiviniemi (2010–2011).

Politika kariero

En la partio

Ŝi aniĝis en la junulara movado de la socialdemokratia partio en 2006 kaj post du jaroj malsukcese sin prezentis en la municipa balotado de Tampere. Ĉi tiu politika malsukceso estas ŝia ĝisnune ununura.

• En 2012 ŝi estis elektita en la urban konsilion de Tampere kaj iĝis ties prezidanto en januaro de 2013.
  
• En 2014 ŝi iĝis la dua vicprezidanto de la Finnlanda socialdemokratia partio.
  
• En aprilo 2015, ŝi estis elektita parlamentano por reprezenti la elektodistrikton Pirkanmaa.
  
• En 2017, ŝi iĝis la unua vicprezidanto de la Finnlanda socialdemokratia partio.
• En aŭgusto 2020 la Socialdemokratia Partio elektis ŝin prezidanto de la partio.

Ministro

Komence de 2019, dum la partio jam kampanjis por la elektado de parlamentanoj, ŝi anstataŭis la partiestron Antti Rinne dum ties malsano. Rinne povis gvidi la kampanjon nur dum la lastaj semajnoj. En la nova registaro, formita en junio, Rinne okupis la ĉefministran postenon kaj Marin estis nomumita ministro pri transporto kaj komunikado. .

Marin parolas en Svedio normale anglan, ne svedan kiel ĉiuj antaŭaj ĉefministroj kaj prezidantoj de Finnlando.

Registarestro

Fine de novembro 2019 estiĝis krizo en la registaro de Rinne. La Centra partio, kiu havas kvin ministrojn en la koalicia registaro, sciigis, ke ĝi ne plu fidas al la ĉefministro pro ties agadoj kaj diroj. Frontante eventualan disfalon de la registaro kaj de la malfacile konstruita politika koalicio, Rinne decidis demisii, kio signifis eksiĝon de la tuta registaro. Ĉar la Centro esprimis malfidon nur al la ĉefministro, la kvin partioj de la registaro rapide interkonsentis pri daŭra kunlaboro, nur kun nova ĉefministro kaj du aliaj ministroŝanĝoj.

La 8-an de decembro 2019, kvin tagojn post kiam Rinne eksiĝis, Sanna Marin estis elektita de la socialdemoratia partia konsilio kandidato por la ĉefministra posteno. Dum la voĉdono ŝi ricevis 32 favorajn voĉojn, tri pli ol la alia proponito Antti Lindtman.

La Finnlanda parlamento formale nomumis ŝin ĉefministro la 10-an de decembro, kun 99 voĉoj por kaj 70 voĉoj kontraŭ. Post kelkaj horoj, la prezidanto de la respubliko Sauli Niinistö nomumis la registaron..

Privata vivo

Sanna Marin naskiĝis en neriĉa familio, ŝiaj gepatroj eksgeedziĝis, kiam ŝi estis juna infano. Ŝia patrino enamiĝis al alia virino kaj ŝi estis edukata de ĉi tiu virina paro. En sia familio ŝi estas la unua ano, kiu ekstudis en universitato. Ŝi financis sian studadon per oficetoj (en bakejo, kasisto, ĵurnaloliveristo). Ŝi ne volis preni studmonprunton, timante ne povi repagi ĝin.

Sanna Marin pariĝis kun la eksa futbalisto kaj firmaisto Markus Räikkönen. Ili havas filinon naskiĝintan en januaro 2018.