Tim McGraw
Tim McGraw | |
|---|---|
 | |
| Vida | |
| Nacimientu |
Delhi (es)  [1], 1 de mayu de 1967[2] (57 años) |
| Nacionalidá |
 Estaos Xuníos |
| Llingua materna | inglés |
| Familia | |
| Padre | Tug McGraw |
| Casáu con | Faith Hill (1996 – ) |
| Fíos/es | |
| Estudios | |
| Estudios |
University of Louisiana at Monroe (en) Fairborn High School (en) Florida State College at Jacksonville (en) |
| Llingües falaes | inglés |
| Oficiu | cantante, actor, cantautor, productor musical, actor de cine |
| Premios | |
| Xéneru artísticu | Country |
| Instrumentu musical |
guitarra voz |
| Discográfica |
Big Machine Records (es) Curb Records |
| Creencies | |
| Partíu políticu | Partíu Demócrata |
| IMDb | nm0005210 |
| timmcgraw.com | |
 | |
Samuel Timothy McGraw (1 de mayu de 1967, Delhi (es) ) ye un cantante d'estilu country y actor de cine d'Estaos Xuníos. Ganador de dos Premios Grammy. Participó en películes como Flicka (2006) o The Blind Side (2009).
Biografía
[editar | editar la fonte]Tim McGraw nació'l 1 de mayu de 1967 en Delhi, Louisiana, Estaos Xuníos.[3] Nun sabía quién yera'l so padre hasta qu'atopó la so partida de nacencia na que ponía, Frank McGraw, entrenador de béisbol, darréu adoptaría'l so apellíu. El so padre yera d'ascendencia escocesa ya irlandesa y la so madre de ascendecia irlandesa ya italiana.[3] Cuando yera neñu xugaba como pitcher (llanzador), sol nome de Tug McGraw, tenía la so tarxeta de xugador colgada na paré del so cuartu, darréu afayó que'l so entrenador yera'l so padre. Pronunció un discursu al graduase nel añu 1985. Amás ye miembru de Pi Kappa Alpha Fraternity y tien dos hermanes.[3]
Casóse cola cantante Faith Hill el 6 d'ochobre de 1996, tando casaos na actualidá. El matrimoniu tuvo tres fíos, Gracie Katherine (n. 1997), Maggie Elizabeth (n. 1998) y Audrey Caroline (n.2001).[3] En 2007 la prestixosa revista Forbes envaloró les sos ganancies en dichu añu alredor de 37 millones de dólares. Nel añu 2009 llanzó al mercáu la so propia arume, sol nome de "McGraw".[4]
Carrera
[editar | editar la fonte]Cine
[editar | editar la fonte]Tim McGraw trabayó como [[c], actor, productor musical y participó na banda sonora de numberoses películes. Na so faceta d'actor destaquen les sos intervenciones en cintes como Friday Night Lights (2004) que taba protagonizada por Billy Bob Thornton, el drama Flicka (2006) que protagonizaba xunto a Alison Lohman y Maria Bello, el thriller The Kingdom (2007) na qu'apaecía xunto a Jamie Foxx y Jennifer Garner y la comedia Four Christmases (2008), con Reese Witherspoon y Vince Vaughn, siendo ésta última un considerable ésitu de taquilla.[5] El so participiación más esitosa en cine y pola que ye más conocíu producir cola so interpretación de Sean Tuohy nel drama The Blind Side (2009), protagonizáu por Sandra Bullock. La producción recibió'l Óscar a la meyor actriz pa Bullock y una candidatura al Óscar a la meyor película, coles mesmes foi un estraordinariu ésitu en taquilla, recaldando más de 300 millones en tol mundu.[6][7] Darréu apaecería nel drama musical Country Strong (2010) con Gwyneth Paltrow y en Dirty Girl (2011) ésta vegada con actores como Milla Jovovich, Mary Steenburgen y William H. Macy. Práuticamente na so totalidá en personaxes secundarios.
Bandes sonores
[editar | editar la fonte]Per otru llau interpretó vocalmente les bandes sonores de películes como Something to Talk About (1995), na qu'interpretaba "I Like it, I Love it", Driven (2001) cantando "Take Me Away From Here"; cantaría "My Little Girl" pa Flicka (2006) y "Southern Voice" pa The Blind Side (2009). Coles mesmes participó en programes de televisión d'Estaos Xuníos como na gala de los 47th Annual Grammy Awards o nos aclamaos programes Saturday Night Live en 2008 y Late Show with David Letterman en 2009.[8] N'este mesmu terrén, pero exerciendo de productor musical, produció dellos discos de la discografía de Jo Dee Messina y los shows Tim McGraw: Here and Now (2004) y Tim McGraw: Reflected (2006), que tamién escribió.[9][10]
Discografía
[editar | editar la fonte]Álbumes d'estudiu
[editar | editar la fonte]- Tim McGraw (1993)
- Not a Moment Too Soon (1994)
- All I Want (1995)
- Everywhere (1997)
- A Place in the Sun (1999)
- Set This Circus Down (2001)
- Tim McGraw and the Dancehall Doctors (2002)
- Live Like You Were Dying (2004)
- Let It Go (2007)
- Southern Voice (2009)
- Emotional Traffic (2012)
- Two Lanes of Freedom (2013)
- Sundown Heaven Town (2014)
- Damn Country Music (2015)
Álbumes de compilaciones
[editar | editar la fonte]- Greatest Hits (2000)
- Reflected: Greatest Hits Vol. 2 (2006)
- Greatest Hits: Limited Edition (2008)
- Collector's Edition (2008)
- Greatest Hits 3 (2008)
- Limited Edition: Greatest Hits: Volumes 1, 2 & 3 (2008)
- Number One Hits (2010)
- Tim McGraw & Friends (2013)
- Love Story (2014)
Referencies
[editar | editar la fonte]- ↑ Afirmao en: Google Freebase Data Dump. Editorial: Google.
- ↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ 3,0 3,1 3,2 3,3 Consultáu en 2010Biografía de Tim McGraw IMDb (n'inglés)
- ↑ Consultáu en 2010Tim McGraw to Launch Men’s Cologne McGraw celebrityclothingline.com (n'inglés)
- ↑ Consultáu en 2010Recaldación de Four Christmases Box Office Mojo (n'inglés)
- ↑ Consultáu en 2010Recaldación de The Blind Side Box Office Mojo (n'inglés)
- ↑ Consultáu en 2010Premios y nominaciones de The Blind Side IMDb (n'inglés)
- ↑ Consultáu en 2010Bandes Sonores nes que participa Tim McGraw IMDb (n'inglés)
- ↑ Consultáu en 2010Tim McGraw como productor IMDb (n'inglés)
- ↑ Consultáu en 2010Tim McGraw como guionista IMDb (n'inglés)
Enllaces esternos
[editar | editar la fonte]
Wikimedia Commons acueye conteníu multimedia sobre Tim McGraw.- Tim McGraw na Internet Movie Database (n'inglés)
- Páxina oficial (n'inglés)
| Control d'autoridaes |
|
|---|
Datos: Q356487- Multimedia: Tim McGraw