Hinduismu
| Hinduismu | ||||
|---|---|---|---|---|
relixón, relixón principal, estilu de vida, cultura y exónimo (es)  | ||||
|
religiones indias (es) , Relixosidá popular y Estáu confesional | ||||
 | ||||
| ||||
 | ||||
L'hinduismu[1] ye una tradición relixosa de la India. En sánscritu conozse como sanātana dharma (‘relixón eterna’) o vaidika dharma (‘deber védicu’). Ye la tercer relixón más estendida, con más de novecientos millones de fieles, tres el cristianismu y l'islamismu.[2]
Etimoloxía
[editar | editar la fonte]Orixinariamente la pallabra remanez del idioma persa hindú, que yera la manera na que los perses pronunciaben el nome del ríu Sindhu (n'asturianu, el ríu Indo, que d'antiguu yera la frontera d'Indostán). La pallabra n'asturianu remanez del francés hindou.
Denómase «hinduista» a la persona que prautica dalguna de les relixones del hinduismu, pero tamién designa a quien forma parte d'esa mesma cultura.
El fechu de que la mayoría de la población de la India profese l'hinduismu, xunto col deséu d'evitar l'ambigüedá del xentiliciu indiu (usáu tamién pa designar a los aboríxenes del continente americanu) esplica que práuticamente dende la so introducción al asturianu ―nel postreru terciu del sieglu XIX― s'usare tamién la pallabra hindú pa designar a los naturales de la India.
Esti usu estensivu d'hindú ye almitible en contestos nos que nun esista riesgu de tracamundiu col so sentíu puramente relixosu. Xeneralmente tiéndese a usar el términu «hindú» ya «hinduista» nel so sentíu de creyente na relixón hinduista, y «indiu» como ciudadanu de la República de la India (Anque esto xenera tracamundiu colos pueblos orixinarios d'América, que se denomen tamién «indios»).
Referencies
[editar | editar la fonte]- ↑ Esti términu apaez nel Diccionariu de l'Academia de la Llingua Asturiana. Ver: hinduismu
- ↑ Jaume VALLVERDÚ: L'hinduismu (páx. 9). Barcelona: UOC (Universidá Abierta de Cataluña), 2007. ISBN 978-84-9788-686-4.
