Ryanair
 | |||||||
| |||||||
| Gestig | 1985 | ||||||
|---|---|---|---|---|---|---|---|
| Eerste vlug | 1985 | ||||||
| Vlootgrootte | 269 | ||||||
| Bestemmings | 225 | ||||||
| Hoofkantoor | Swords, Dublin, Ierland | ||||||
| Sleutelpersone | Michael O'Leary (HUB) | ||||||
| Omset |  €10,775 miljard (2023) | ||||||
| Netto inkomste | €1,314 miljard (2023) | ||||||
| Totale bates | €16,406 miljard (2023) | ||||||
| Totale ekwiteit | €5,643 miljard (2023) | ||||||
| Werknemers | 19 000 (2022)[1] | ||||||
| Webwerf | http://www.ryanair.com | ||||||
Ryanair is 'n Ierse laekostelugredery. Die hoofkantoor is geleë in Swords, Dublin, Ierland, met twee primêre operasionele basisse by Dublinlughawe en Lughawe Londen-Stansted en 'n verdere 85 basisse op ander Europese lughawens. Ryanair was in 2018 die tweede grootste Europese lugredery volgens passasiersgetalle (139,2 miljoen). Slegs die Duitse Lufthansa-groep het met 142,3 miljoen meer passasiers vervoer.[2]
Met meer as 1 800 vlugte, wat daagliks onderneem word, vervoer Ryanair meer as 130 miljoen passasiers per jaar. In 2016 is meer as 200 bestemmings in 33 lande bedien. Italië was in die winter van 2017/18 die belangrikste mark vir Ryanair - 20,3 persent van alle passasiers het uit hierdie land gekom - nog voor die Verenigde Koninkryk en Spanje (met 17,4 persent elk).[3]
Ryanair beperk hom tot een enkele vliegtuigtipe om koste te bespaar; die lugredery bedryf meer as 400 Boeing 737-800 vliegtuie, terwyl 'n verdere 300 bestel is.[4] Bestellings sluit 115 Boeing 737- en 110 Boeing 737 MAX 200 in, met opsies vir 'n verdere 100 MAX 200. Ryanair beplan om sy vloot tot en met 2024 tot 585 vliegtuie te vergroot. Die aantal passasiers, wat jaarliks vervoer word, sal dan sowat 200 miljoen beloop.
Die lugredery word gekenmerk deur sy snelle uitbreiding, 'n gevolg van die deregulering van die lugvaartbedryf in Europa in 1997 en die sukses van sy laekostesakemodel. Ryanair se roetenetwerk bedien 28 lande in Europa asook Marokko. In die fiskale jaar 2017 was 88 persent van Ryanair se vlugte betyds.[5]
Verwysings
[wysig | wysig bron]- ↑ "Ryanair FY 2018 Annual Report, bl. 9" (PDF). investor.ryanair.com. Besoek op 30 Augustus 2022.
- ↑ "Lufthansa ist nicht mehr die größte Airline Europas". www.travelbook.de. 14 Januarie 2020. Besoek op 30 Augustus 2022.
- ↑ "Billigflieger Ryanair sorgt für harten Brexit vor". airliners.de. Besoek op 30 Augustus 2022.
- ↑ "corporate.ryanair.com: History of Ryanair. Besoek op 19 September 2017". Geargiveer vanaf die oorspronklike op 19 September 2017. Besoek op 19 September 2017.
- ↑ "Our Punctuality | Ryanair's Corporate Website". corporate.ryanair.com. Besoek op 30 Augustus 2022.
 | Hierdie lugvaartartikel is 'n saadjie. Jy kan Wikipedia help deur dit uit te brei. |