Manx (kat)

Manx
Alternatiewe naam	Stompstertkat van die Eiland Man
Herkoms	Eiland Man
Ontstaan	Natuurlik/mutasie
Pels	Kort/lank
Patroon	Alle behalwe kleurpunte
Wetenskaplike naam
Felis catus (huiskat)
Nota: Langhaar- en halflanghaar-voorbeelde word soms beskou as ’n aparte ras, die Kimriese kat.
Portaal    Katte

Die Manx, of stompstertkat van die Eiland Man, is ’n katras wat sy oorsprong op die Eiland Man het. Dit het ’n natuurlike mutasie ondergaan wat meebring dat die stert afwesig is. Baie het ’n kort stert, maar Manx-katte is meer bekend daarvoor dat hulle geen stert het nie. Dit, asook hul langer agterpote en ronde kop, is die bekendste karaktertrekke van die diere. ’n Mens kry Manx-katte in alle kleure en patrone, hoewel effe wit voorbeelde skaars is. Langhaarkatte word soms beskou as ’n aparte ras, die Kimriese kat.

Manx-katte is bekende jagters en boere het hulle dikwels gebruik om knaagdiere te vang. Hulle word ook dikwels op skepe aangehou. Hulle word beskou as sosiaal, mak en aktief. Hulle word sedert die 1800's in katskoue ten toon gestel en die eerste teelstandaard is in 1903 gepubliseer.

Daar is verskeie volksverhale oor hoekom die kat nie ’n stert het nie. In een het Noag die deur van die Ark toegemaak toe dit begin reën en per ongeluk die kat se stert so afgekap.

Variante

Vier nuwe variëteite is uit die Manx ontwikkel: die langhaar-Manx, ook bekend as die Kimriese kat, die korthaar- en langhaarkat van die Eiland Man en die Tasmaanse Manx, hoewel slegs die Kimriese kat algemeen aanvaar word in katregisters.

Sien ook

• Lys van katrasse

Eksterne skakels

• The Manx Breed Council

• Wikimedia Commons het meer media in die kategorie Manx (kat).
• Hierdie artikel is vertaal uit die Engelse Wikipedia