Landbou-ingenieurswese

’n Landbou- en biostelselingenieur wat ’n landbourobot regmaak.

Landbou-ingenieurswese, ook bekend as landbou- en biosisteem-ingenieurswese, is die studieveld en toepassing van ingenieurswetenskap en ontwerpbeginsels vir landboudoeleindes, wat die verskillende dissiplines van meganiese, siviele, elektriese, voedselwetenskap, omgewings-, sagteware- en chemiese ingenieurswese kombineer om die doeltreffendheid van plase en landboubesigheidsondernemings te verbeter asook om volhoubaarheid van natuurlike en hernubare hulpbronne te verseker.

'n Landbou-ingenieur is 'n ingenieur met 'n landbou-agtergrond. Landbou-ingenieurs maak die ingenieursontwerpe en -planne in 'n landbouprojek, gewoonlik in vennootskap met 'n landboukundige wat meer bedrewe is in boerdery en landbouwetenskap.