Julius Malema
| Julius Malema | |
 Julius Malema in 2011 | |
Leier van die Ekonomiese Vryheidsvegters
| |
| Ampsbekleër | |
| Termynaanvang Julie 2013 | |
| Voorafgegaan deur | Nuwe amp |
|---|---|
President van die ANC-jeugliga
| |
| Ampstermyn April 2008 – April 2012 | |
| Vise | Andile Lungisa, Ronald Lamola |
| Voorafgegaan deur | Fikile Mbalula |
Persoonlike besonderhede
| |
| Gebore | 3 Maart 1981 Seshego, Transvaal |
| Politieke party | African National Congress (1990–2012) Ekonomiese Vryheidsvegters (2013–hede) |
| Eggenoot/-note | Mantwa Matlala (2017–hede) |
| Kind(ers) | 1 |
| Alma mater | Universiteit van Suid-Afrika |
Julius Sello Malema (* 3 Maart 1981 in Seshego (naby die huidige Polokwane)) is 'n Suid-Afrikaanse politieke figuur, en sedert Julie 2013 die leier van die Ekonomiese Vryheidsvegters. Hy was vanaf April 2008 tot April 2012 president van die ANC-jeugliga. As gevolg van sy omstrede uitlatings en toesprake word hy deur party mense as 'n "roekelose populis" beskryf. Hy het dikwels luidkeelse ondersteuning aan die African National Congress en president Jacob Zuma gegee. Zuma en die premier van die Limpopoprovinsie het al na Malema verwys as die toekomstige president van Suid-Afrika.[1]
In Mei 2010 is hy uit die ANC geskors en in September 2012 is hy aangekla van bedrog en geldwassery.[2] In Julie 2013 stig hy sy eie politieke party, die Ekonomiese Vryheidsvegters.[3][4] Hy is tans 'n lid van die Parlement (LP) en hy beskuldig Jacob Zuma en die ANC van korrupsie en die verraad van revolusionêre linkse beleid.[5][6]
Vroeë lewe
[wysig | wysig bron]Malema, 'n Pedi, is gebore en getoë in Seshego, Transvaalprovinsie.[7] Sy moeder was 'n huishulp en 'n enkelouer. Op die ouderdom van nege of tien jaar het hy betrokke geraak by die African National Congress se Masupatsela. Sy hooftaak op daardie oomblik was om die Nasionale Party se plakkate op straat te verwyder.
Onderwys
[wysig | wysig bron]Malema het aan Hoërskool Mohlakaneng, Seshego, Limpopo gematrikuleer.[8] In 2010 het hy 'n tweejaardiploma in jeugontwikkeling aan die Universiteit van Suid-Afrika (UNISA) verwerf.
In Maart 2016 het hy 'n BA-graad in Kommunikasie en Afrikatale aan UNISA verwerf.[9][10]
Omstredenheid
[wysig | wysig bron]Aanmerkings oor vroue
[wysig | wysig bron]Ná sy uitlating dat die vrou wat Zuma van verkragting aangekla het 'n "goeie tyd" moes gehad het, is hy in Maart 2010 deur landdros Colleen Collins skuldig bevind aan haatspraak en beveel om sy verskoning aan te bied. Hy is ook aangesê om R50 000 te betaal aan 'n instelling vir mishandelde vroue.[11] Malema was nie by die hofuitspraak teenwoordig nie, maar het aangedui dat hy teen die uitspraak sal appelleer.[12]
Aanmerkings oor blankes
[wysig | wysig bron]In Maart 2010 het Malema tydens 'n universiteitsbyeenkoms die "skiet die boere"-kreet gesing.[13] Die lied is eens deur Peter Mokaba in die vroeë 1990's gesing, maar is sedertdien deur die Suid-Afrikaanse Menseregtekommissie as haatspraak verklaar. Sommige groepe meen dat dit bygedra het tot die moord op Eugène Terre’Blanche op 3 April 2010.
In 'n verdere klag van haatspraak teen hom, ingedien deur AfriForum, het hy in Februarie 2022 voor die gelykheidshof verskyn.[14]
Verwysings
[wysig | wysig bron]- ↑ Bottle-feeding this young baby monster Juju Geargiveer 7 April 2010 op Wayback Machine, deur Fikile-Nstikelelo Moya in die Sowetan. 8 Maart 2010. Verkry op 15 Maart 2010.
- ↑ Staff (25 September 2012). "Charge sheet links Malema, businessman" (in Engels). IOL.co.za. Geargiveer vanaf die oorspronklike op 23 Oktober 2015. Besoek op 28 Maart 2013.
- ↑ Milton Nkosi (11 Julie 2013). "Julius Malema launches Economic Freedom Fighters group" (in Engels). Bbc.co.uk. Geargiveer vanaf die oorspronklike op 20 November 2018. Besoek op 17 Augustus 2014.
- ↑ Stone, Setumo "Malema takes command of Economic Freedom Fighters". BDlive. Geargiveer vanaf die oorspronklike op 12 Junie 2018. Besoek op 17 Augustus 2014.
- ↑ Zuma Critic Faces South Africa Charges, Wall Street Journal, http://online.wsj.com/article/SB10001424127887324020804578149142331646514.html?mod=googlenews_wsj
- ↑ "Malema trial still going ahead" (in Engels). eNCA. 21 Junie 2013. Geargiveer vanaf die oorspronklike op 9 Mei 2019. Besoek op 17 Augustus 2013.
- ↑ "Julius Sello Malema: background" (in Engels). Sahistory.org.za. Geargiveer vanaf die oorspronklike op 2 Mei 2020. Besoek op 28 Maart 2013.
- ↑ "Malema's grim report card is 'real'", IOL.co.za, 24 Oktober 2008; verkry op 22 November 2011.
- ↑ "Malema gets his BA degree" (in Engels). Times Live. Geargiveer vanaf die oorspronklike op 3 Oktober 2018. Besoek op 31 Maart 2016.
- ↑ "Malema gets his BA degree" (in Engels). Sowetan. Geargiveer vanaf die oorspronklike op 3 Oktober 2018. Besoek op 31 Maart 2016.
- ↑ ANC's Julius Malema guilty of South Africa hate speech, deur die BBC-nuus. 15 Maart 2010.
- ↑ Malema skuldig aan haatspraak Geargiveer 17 Maart 2010 op Wayback Machine, Beeld, 15 Maart 2010.
- ↑ Malema sings the Mokaba anti-boer tune IOL
- ↑ "Malema getuig: 'Kill the Boer' is nie letterlike opdrag nie". Netwerk24. 16 Februarie 2022. Besoek op 17 Februarie 2022.
Eksterne skakels
[wysig | wysig bron] |
Wikimedia Commons bevat media in verband met Julius Malema. |
 |
Wikiquote het aanhalings in verband met Julius Malema |
