潛山
潛山（粵音：cim4 saan1）係中華人民共和國安徽省安慶市嘅縣。面積1686km²，人口58.3萬（2011）。潛山有聞名嘅天柱山，又叫皖山，安徽簡稱「皖」就從佢來。縣府駐梅城鎮。
史
[編輯]- 周朝時呢道係皖國都城。皖國嘅名來自都城附近嘅皖山（天柱山）。
- 漢獻帝初平末年（193年），廬江太守陸康爲咗避亂，將廬江郡治搬來呢道。之後三國喺呢道爭鋒。
- 唐代時係舒州治所。
- 明洪武元年呢度設潛山縣，延續至今。
個名
[編輯]潛山個名就係源自天柱山。《明一統誌》：「至治間析置潛山縣，以山爲名。」康熙《安慶府誌》：「以山爲名，有事潛嶽。」《潛山縣誌》：「縣以山名，山以潛名。」「幽巖邃谷，窮之益深，潛之取義也。」即係話「潛山」嘅字面意思係「深山」。噉呢座潛山，據《明史·地理誌》交待，係縣城西北嘅山，「亦曰天柱山，亦曰皖公山。」潛係通假字，通嘅古字喺《爾雅·釋言》解「深也」。
解釋得最透嘅係清人顧祖禹嘅《讀史方輿紀要》，佢講清潛、皖、天柱嘅區別：「縣西北二十里，綿亘深遠，與六安州霍山縣接界，即霍山矣。《舊誌》：“潛山與皖公、天柱三峯鼎峙，層巒迭嶂，爲長淮扞蔽”。說者皆以潛、皖、天柱爲三山。其實非也。蓋以形言之，則曰潛山，謂遠近山勢皆潛伏也。以地言之，則曰皖山，謂皖伯所封之國也。或謂之皖公山，亦曰皖伯臺。以峯言之，則曰天柱。其峯突出眾山之上，峭拔如柱也。名雖有三，實一山耳。」
政區
[編輯]潛山轄11個鎮、5個鄉、2個單位。
- 鎮：梅城鎮、源潭鎮、余井鎮、王河鎮、黃鋪鎮、槎水鎮、水吼鎮、官莊鎮、黃泥鎮、黃柏鎮、天柱山鎮
- 鄉：塔畈鄉、油壩鄉、龍潭鄉、痘姆鄉、五廟鄉
- 單位：開發區、旅遊度假區
