ალქიმია
ალქიმია (არაბ الكيمياء) — შქა ოშწანურეფს რდჷ მენცარობა, ნამუშ ღანკი შხვადოშხვა ლითონეფიშ ძვირფას ლითონეფო (ორქო, ვარჩხილი) გინორთინაფა რდჷ. ალქიმიკოსეფს ოქრო არძაშე უმოს ედომორინელი ნივთიერებათ მიოჩქჷდეს დო თინერ ნივთიერებას გორჷნდეს, ნამუთ უბრალო ლითონიშ ორქოშა გინორთინაფას დაჩქარენდჷ. თე ნივთიერებას ნამთინე „ფილოსოფიურ ქუას“, ნამთინე „ჭითა ნჯილოს“, დო შხვა „უღურალაფაშ ელექსირს“ უძახჷდჷ. ალქიმიკოსეფქ, თიშ უმკუჯინუო, ნამუდა ღანკიშა ვემიაჭირინეს, იშენით დიდი თია მიშეღეს ქიმიაშ გოვითარაფაშა. თინეფქ გაჭყეს ბრელი ქიმიური ლაბორატორია, სოდგათ აშეგურეს ნივთიერებაშ ბრელი მუშება, გიმიგონეს ბრელი ლაბორატორიული ხეჭკუდი. ალქიმიკოსეფიშ არძაშე ჩინებული ღანკეფი ორდჷ: არძანერი მეტალიშ ორქოშა ვარა ვარჩხილშა გინორთინაფა(ქრისოპოეია) დო პანაცეაშ ანუ რინაშ ელექსირიშ ხაზჷრაფა. თენა რე წამალი ნამუთ საშუალებას ირძენს დასქილიდუას არძანერი ლახარა დო ქიმერჩას უღურალაფა. შქა ოშწანურეფიშ დაჭყაფუს ევროპალ დო აზიარ ალქიმიკოსეფქ დიდი ჟამი დუთმეს ფილოსოფიური ქუაშ, ლეგენდარული ნივთიერებაშ გორუას, ნამუთ მიაზრებუდ უციო ინგრედიენტო ჟირხოლო ჟიდოგიმოკოროცხილი ღანკიშ მიოჭირინაფალო.