Hoy es el futuro. Euskal
underground musika
mugimenduaren
instrumentalizazioa
1980ko hamarkadan*
(Hoy es el futuro. The utilization of the Basque
Underground Music Movement during 1980’s)
Mota Zurdo, David;
Universidad del País Vasco (UPV/EHU). Facultad de Letras.
c/ Paseo de la Universidad s/n, , 01006 Vitoria-Gasteiz
david.mota@ehu.eus
Jaso: 2017.10.01
BIBLID [eISSN 1988-3935 (2017), 16; 37-50]
Onartu: 2018.02.24
Euskal Rock Erradikalaren (RRV) izena, musika estilo baten (punka) adierazpen berri baten
ondorio zuzena izan zen. Artikulu honetan zehar ezinbesteko gako batzuk eskainiko dira euskal
punkaren bilakaera ulertzeko, kaleko rock bihurtzeaz gain ezkerreko euskal nazio-gakoan
transformazio identitariorako tresna politikoa ere izan baitzen.
Gako hitzak: RRV. Punk. Herri Batasuna. Musika. Identitatea.
La denominación de Rock Radical Vasco (RRV) fue consecuencia directa de la resignificación
del punk. A lo largo de este artículo se ofrecerán algunas claves imprescindibles para entender el
proceso por el cual el punk vasco se convirtió en un rock urbano y político y en instrumento para
la catarsis identitaria en clave nacional vasca de izquierdas.
Palabras clave: RRV. Punk. Herri Batasuna. Música. Identidad.
La dénomination de Rock Radical Basque (RRV dans son sigle en espagnol) a été la
conséquence directe de la redéfinition du punk. Au fil de cet article, nous donnerons quelques clés
essentielles pour comprendre le processus par lequel le punk basque est devenu un rock urbain et
politique et un outil pour la catharsis identitaire en mode national basque de gauche.
Mots-clés: RRV. Punk. Herri Batasuna. Musique. Identité.
Mediatika. 16, 2017, 37-50
37
Mota Zurdo, D.: Hoy es el futuro. Euskal underground musika mugimenduaren...
1. SARRERA
2016. urte osoan mota guztietako hedabideek omenaldi xumea egin
diote punk mugimenduari bere 40. urteurrenean. 1976an jaio zen genero hau
The Sex Pistols eta The Ramones taldeen sorrerarekin batera, eta berehala
bereganatu zuen kritikarien eta musika taldeen arreta. Urte gutxitan punka
errebeldiatik onarpenera igaro zen, hots, marketing produktu eta askok imitatu
nahi zuten moda izatera pasatu zen dadaismoaren eta situazionismoaren
lekukoa hartuta. Azkar hedatu zen mugimendua izan arren, punk fenomenoa
ez zen Espainiara 70eko hamarkadaren amaiera arte iritsi, eta ez zuen
eztanda egin hurrengo hamarkada arte. “Madrilgo movida” deitutakoak
elementu estetikotzat hartu zuen lehenik eta Euskal Rock Erradikalak
(aurrerantzean RRV) ondoren. Hain justu, RRVa musika estilo baten (punka)
adierazpen berri baten ondorio zuzena izan zen eta funtsean denari aurka
egiten bazion ere sigla jakin batzuei lotuta geratzeagatik igaro da historiara.
Artikulu honetan zehar ezinbesteko gako batzuk eskainiko dira euskal
punkaren bilakaera ulertzeko, kaleko rock bihurtzeaz gain ezkerreko euskal
nazio-gakoan transformazio identitariorako tresna politikoa ere izan baitzen.
2. ESTO ES EL PUNK DEL INFIERNO ESKIZOFRÉNICO, ESTA ES LA LOCURA
ANTISOCIAL
RRVren jaiotza adierazteko urte bat hautatu beharko bagenu, 1983
litzateke; izan ere, garai hartan hainbat gertaera azpimarragarri jazo ziren.
Ezagunena Vulpess 1 (azeri-emeak, latinez) taldearekin jazotako istilua
izan zen, Carlos Tenak RTVEn aurkezten zuen “La Caja de Ritmos” musika
saioan. Emanaldi hura izan zen euskal punkaren aurkezpen ofiziala eta
mugarria ezarri zuen RRVak gerora izan zuen bilakaeran. Emakume talde
honek hizkera garratz eta errespeturik gabeaz jo zuen Me gusta ser una
zorra singleak, Iggy Popen I wanna be your dog abestiaren bertsioa,
hautsak harrotu zituen hedabide kontsebadoreen artean. ABCn esaterako,
Eduardo Benavente eta Jesús de la Rosaren –Parálisis Permanente talde
madrildarraren eta Triana sevillarraren liderrak, hurrenez hurren– heriotzak
deitoratzen zituzten bitartean, Radio Futura talde errebelazio finkatzen ari
zela txalotu eta Vulpessen agerpen publikoa gaitzesten zuten: “cuya falta
de talento no pudo ser enmascarada con las sedas del escándalo”2 . Hain
izan zen handia Vulpessen gertaeraren inpaktua ezen Trantsizioko Espainian
abiatutako sekularizazio prozesu ahula ez zen bereganatzeko gai izan.
Horrelako egoeren aurrean tabuak azaleratzen ziren, ia 40 urteko diktadura
1. Vulpess emakume-taldearen grafia zuzenak “s” bakarra izan beharko lukeen arren, “vulpes” hitzarekin lotuta dagoelako, artikulu honetan Vulpess hautatu da hori izan baitzen probokazioa eta sumindura eragiteko taldeak erabiltzen zuen ohiko grafia. Izan ere, “ss” horiek nazien
Alemaniako Schutzstaffelarekin zerikusia zuen.
2. “Música: resumen de fin de año”, ABC, 31-12-1983, 118 or.
38
Mediatika. 16, 2017, 37-50
Mota Zurdo, D.: Hoy es el futuro. Euskal underground musika mugimenduaren...
frankistak ezarritako neurri ideologiko latzen ondorio logiko gisa3. Erregimen
demokratiko espainiarra garai berrietara egokitzen saiatu zen arren, tradizioa
eta modernotasuna nagusitzeko borrokan ari ziren testuinguruan egin behar
izan zuen; hori dela eta, Trantsizioaren Gobernuek, UCDkoak eta sozialisten
lehen bi legegintzaldiak batez ere, bidegabekeriaz jokatu zuten hainbat gai
korapilatsutan, gehienetan kontserbadurismoaren mesedetan. Horrela
bakarrik uler daiteke Estatuko Fiskaltza Nagusiak Vulpessen aurka helegitea
jarri izana eskandalu publikoa egotzita, musika talde honek egin zuen gauza
bakarra askatasunez adieraztea izan zen arren. Erabakiak, gainera, Tena
RTVEn kargutik kentzea ekarri zuen4.
Halere, gertaera horiek, eta batez ere izan zuten oihartzunak, askoren
gogoa piztu zuten. Agerian geratu zen musika hedapen handiko tresna
politikoa izan zitekeela, eta haren eragina, politika zaharraren ohiko
kanalena baino handiagoa. Bai, Vulpessen eskandaluak ideia erradikalak eta
sistemaren aurkakoak gizartean barrena zabaltzeko musikak zuen ahalmena
erakutsi zien ezker abertzalearen alderdi eta erakunde politikoei, Herri
Batasuna (HB) eta Jarrairi batez ere. Baina hori lortzea ez zen erraza, ordura
arte euskal punk mugimendua gogor kritikatua eta baztertua izan baitzen.
Errenteriako Basura musika taldeak, adibidez, agerian utzi zituen Plaka-Klik-en
(Egin egunkariaren musika atala) mugimenduak jasandako bidegabekeriak.
Era berean, hainbat talde politikoren bat-bateko interesaren atzean benetan
gazteriaren babesa lortzeko helburua zegoela uste zuten:
si queremos actuar tenemos que montarlo todo nosotros. […] no nos dejan
actuar por ser punkies […] se nos margina […] ahora parece que se empiezan
a acordar de nosotros […] A otros grupos de aquí que no son punkies se les ha
dado más ayuda5.
La Polla Records, MCD, RIP eta Eskorbuto, esaterako, oso ezagunak ziren
Euskal Herri mailan hamarkadaren hasieran. Lehen maketa eta elepeak
kaleratu zituzten eta autogestio lan handiari esker lortu zuten haien musika
ezagutzera ematea. Gehienek ez zuten euskaraz kantatzen, mezu (auto)
suntsitzaileak zabaltzen zituzten alternatiba seriorik proposatu gabe –hori
ez baitzen haien lana– eta dibertsioa lehenesten zuten ekintza politikoaren
aurretik. Hori dela eta, ezker abertzaleak ez zituen estimu handitan. HBri
lotutako hainbat hedabide, Egin eta Punto y Hora de Euskal Herria kasurako,
argi erakutsi zuten talde horiei buruz pentsatzen zutena; euskal gazteriak
musika hori baztertu behar zuela zioten, euskara ez erabiltzeaz gain, bere
estetika, bizimodu eta filosofia drogak biziatutako mundu anglosaxoitik
3. PÉREZ-AGOTE, A.: “El proceso de secularización en la sociedad española”, Revista CIDOB
d’Afers Internacional, nº 77, 2007, 65-82 or.
4. EFE: “Admitida la querella contra la emisión por TVE de la canción de las Vulpes”, El
País, 3-5-1983. “Vulpess con ellas llegó el escándalo” Muskaria, nº 17, 1983, 8-9 or. MOSO, R.:
“Vulpess y Eskorbuto o el día que ardió Kabiezes”, Muskaria, nº 17, 1983, 10 or. EFE: “Carlos
Tena dimite del programa “Caja de Ritmos” porque se considera indefenso”, El País, 12-5-1983.
5. “Basura: se nos margina por ser punkies”, Plaka Klik Egin, 6-2-1983, 26 or.
Mediatika. 16, 2017, 37-50
39
Mota Zurdo, D.: Hoy es el futuro. Euskal underground musika mugimenduaren...
zetozelako. Baina, aitzitik, Errobi eta Oskorriren lana babestu beharra zegoen,
hurrengo testuan ikus daitekeenez:
los grupos que venían experimentando con el rock han vuelto su mirada a la
riqueza de la música tradicional de nuestro país y así conjuntos como Errobi han
basado su música eléctrica en viejas danzas [… eta] Oskorri han sabido unir la
música tradicional con muestras de la obra más avanzada de nuestros poetas6.
Are gehiago, Orquesta Mondragónek aipatu punk taldeak baino jakin-min
handiagoa eragin zuen. Punto y Hora de Euskal Herriako kazetari Fernando
Arbuésen arabera, Javier Gurruchagaren taldea Euskadin rocka egiten zuten
bakarrenetarikoa zen, taldeak berak aurkakoa defendatu arren; haien musika
música es universal y no localista […] si fuésemos localistas abordaríamos
la problemática de Euskadi, y cantaríamos en Euskara. Nosotros no estamos preparados para afrontar la problemática de este país7.
Errezelo horien jatorrian euskaldunek rockaz egiten zuten interpretazioa
zegoen, Hertzainak eta M-ak taldeetako kide Xabier Montoiaren iritziz: “como
algo extraño, algo que nos venía o nos traían de fuera”8. Roberto Mosok,
Zarama taldeko abeslariak, ikuspuntu hori gehiago argitu zuen:
todavía aquí hay gente que aún considera que hacer rock and roll no es
hacer música vasca, aunque lo hagas en euskara: dicen que el rock es algo
importado de fuera, fruto del imperialismo. Para mí esto es una equivocación. En
principio el rock es anglosajón, pero si cuaja en tantos lugares del mundo, no es
sólo por la presión de los medios de comunicación, sino porque refleja el modo
de vivir de Lertxundi, el txistu y el tamboril9.
Vulpessen gertakariaren ondorioz HBren mesfindantzak arindu egin
ziren baina rock erradikala heldu aurreko urteetan koalizioak aldaezin
mantendu zuen musika mota horrekiko zuen jarrera. Bere garaian azaldu
zuenez, kapitalismoaren nagusitasunari eta sendotzeari eutsi egin behar
zioten, bertako bizimoduak eta soziabilitatea mantentzeko borrokatuz, “la
penetración de formas culturales foráneas” ekiditeko10.
Jarrera hau ulertzeko arrazoiak musika mota horri atxikita zihoan
munduan aurki daitezke, drogak musika estilo honetan jokatu zuen
paperean, zehatzago esateko. Ezker abertzaleko hainbat lagunentzat
rocka eta estupefazienteen kontsumoa berez lotuta zeuden eta are
gehiago hemen, Euskal Herrian. Izan ere, haien esanetan, droga trafikoak
6. “La música vasca”, Punto y Hora de Euskal Herria, nº 158, 1980, 41 or.
7. ARBUÉS, F.: “La Mondragón”, Punto y Hora de Euskal Herria, nº 163, 47 or.
8. TREBIÑO, I.: Salda badago. Los inicios del Rock Vasco. Bilbao, EITB, 2001, 7:40-8:00
min.
9. “Zarama: aire fresco para el rock”, Punto y Hora de Euskal Herria, nº 280, 1982, 46 or.
10. “Y ahora la droga”, Punto y Hora de Euskal Herria, nº 170, 1980, 14 or.
40
Mediatika. 16, 2017, 37-50
Mota Zurdo, D.: Hoy es el futuro. Euskal underground musika mugimenduaren...
Estatuko Segur tasun Indarren onespena zuen eta belaunaldi gazte
eta aldarrikatzaileenak deuseztatzeko baliatzen zen. Zalantzarik gabe,
estupefazienteen kontsumoak ondorio latzak izan zituen euskal lurraldean
1980ko hamarkadan, baina drogamenpekotasun mailaren hazkundean
polizia taldeek jokatu ahal izan zuten papera ez dago erabat argi. Euskal
Herrian Poliziaren ahalegin guztiak terrorismoaren aurkako borrokara
bideratzen ziren bitartean, drogaren kontrako borroka bigarren maila batean
zegoen. Testuinguru honetan, ETAk narkotrafikoaren aurkako borrokaren
tresna izendatu zuen bere burua, polizia elementuen hilketa estrategikoa
legitimatzeko, haien esanetan droga hornitzaile nagusiak baitziren11. Baina
teoria hori ez da nahikoa ustez Espainiako Gobernuak antolatutako plan
maltzurra azaltzeko. Ildo horretan, Juan Carlos Usók uste du hala izateko
kontsumitzaileek “víctimas de su propia ignorancia farmacológica” izateaz
ez ezik, droga adiktuaren gorputzean baimenik gabe sartzea ere esan nahiko
lukeelako12.
3. MARJINALAK ERE BORROKAREN PARTE DIRA. RRVTIK “EUSKADI
ALAITSU ETA BORROKAN KEMENTSU”-RA
Bortizkeria, erradikaltasuna eta droga testuinguru honetan, langabezia,
dekadentzia eta krisialdi ekonomikoa ere areagotzen ari zirela, RRVaren
musika-eszena berria hazi zen13. Vulpessen auziaren eragina horren handia
izan zen ezen, hilabete gutxian, HBk punk kontrakulturarekin zituen arazoak
(drogarena batez ere) leundu eta beste batzuk, errebeldia eta diskurtso
inkonformista esaterako, bere onerako erabili zituen. Baina produktu
esklusiboa, salgarria eta digeritzeko erraza sortu beharra zegoen. Marka
sortu, etiketa, Euskal Herriko musika antisistema bilduko zuen ezaugarri
identifikagarria. Bada, 1983ko urrian, Zen Planaren, Bardeetako tiroeremuaren eta Espainia Ipar Atlantikoko Itunaren Erakundean (NATO) sartu
izanaren aurka HBk Tuteran antolatu zuen rock kontzertua aprobetxatuta,
Plaka-Klikeko arduradunek RRV etiketa erabili zuten undergroundaren euskal
eszena izendatzeko14. Etiketak hainbat abantaila zituen, sortzaileen hitzetan:
11. JAIME, O: Policía, terrorismo y cambio político en España, 1976- 1996. Valencia, Tirant
lo Blanch, 2002, 148-150 or.
12. USÓ, J.C.: ¿Nos matan con heroína? Sobre la intoxicación farmacológica como arma de
Estado. Bilbao, Libros Crudos, 2015, 177 or.
13. Jakue Pascualek bere ikerketetan adierazi duenez, musika eszena sortua zen nolabait RRV terminoa erabiltzen hasi aurretik. PASCUAL, J.: Movimiento de Resistencia. Años 80 en
Euskal Herria. Contexto, crisis y punk, Tafalla: Txalaparta, 2015.
14. ZEN kontrainsugentzia plana izan zen eta hurrengo helburuak zituen: erakunde independentistetako edo politika ofizialaren aurkako mugimendu sozialetako militanteak, edo susmagarriak, atxilotu eta inkomunikatzea, dela Frantziako muga zeharkatzeagatik, dela manifestazioetan
parte hartzeagatik edo dela janzkera zehatz bat erabiltzeagatik. Ikus ARZUAGA, J.: “La situación
de las personas privadas de libertad en aplicación de la legislación antiterrorista”, RIVERA, I. eta
CANO, F.: Privación de libertad y Derechos Humanos. La tortura y otras formas de violencia institucional. Barcelona, Icaria, 2008, 348 or.
Mediatika. 16, 2017, 37-50
41
Mota Zurdo, D.: Hoy es el futuro. Euskal underground musika mugimenduaren...
creemos que puede ser interesante sobre todo con vistas al resto del
Estado, en el aspecto de clarificar el rock vasco e influir y hacernos un hueco
dentro del panorama musical estatal, aunque esta labor no va a ser sencilla ya
que la oposición a una música tan visceral y con tan mala ostia va a ser muy
fuerte y si no ahí están los procesos de las Vulpes15.
Etiketari sendotasuna emateko azaldutako arrazoiak honakoak
izan ziren: “género” hau ez zen moda bat, baizik eta euskal errealitate
soziopolitikoaren translazioa musikara. Horregatik talde asko ezkerraldean,
goierrin eta, oro har, krisi ekonomikoak eta industriaren birmoldaketak
gogor astindutako tokietan sortu ziren; taldeak oso erradikalak ziren
zentzu guztietan, bai punkaren bitartez, bai heavyaren bitartez edota soilik
irudiaren eta hitzen bitartez; euskararen erabilerak nolabait kultura aldaketa
erakusten zuen, baita euskal musika modernizatzeko beharra, “con unas
letras que harían temblar a los miembros de Ez dok amairu” bazen ere16;
eta potentzialtasun komertzial itzela zuen musika egitura oso bat eraiki zen,
taldeen finkatzearekin batera diskoetxeak, irratiak, aldizkari espezializatuak,
kontratazio agentziak eta soinu-enpresak ere sortu baitziren17. Honenbestez,
RRVa inauguratua zen.
Berehala, etiketa zabaltzen lagundu zuten hainbat gertakari izan ziren.
Lehena 1984ko Egin Rock izan zen, Egin egunkariak Gasteizko Mendizorrotza
polikiroldegian 3000 lagunentzat antolatutako makro-kontzertua. RIP,
Zarama, Barricada eta Hertzainak taldeek jo zuten bertan eta Punto y Horak
hurrengoa adierazi zuen: “grupos de Euskadi que tratan en sus canciones los
sentimientos de una juventud rebelde”18; bigarrena, HBren Euskadi alaitsu
eta borrokan kementsu kanpaina –Martxa eta Borroka bezala ezagun egin
zena– izan zen 1985ean, aurrekaririk gabeko musika-fenomenoa inauguratu
zuen ekimena. Hala erakusten dute Jimmi Eginen Bat, bi, hiru musika
astekariko kazetariaren adierazpenek:
uno de los festivales que merece la pena ser comentado previamente por
varias razones: la primera es que marca el inicio de la sorprendente camapaña
de Herri Batasuna que se preocupa por actos no habituales en este mundillo19.
Gertakari bi horien artean inflexio puntu bat izan zen ezker abertzalearen
barruan: HBk punk-rock musikarekiko erakutsitako interesa eta horrek
taldeengan eragin zituen mesfidantzak. Hasiera batean, talde gehienek uko
egin zioten RRVaren etiketa erabiltzeari, atzean diskoetxeen eta sortu berria
zen euskal intelligentsia musikalaren interes merkantilistak zeudela uste
15. “El rock de Euskadi contra la OTAN en Tudela”, Plaka Klik Egin, 16-10-1983, 25 or.
16. Ibíd.
17. Ibíd.
18. MARTÍN, J.: “Música radical para público callejero”, Punto y Hora de Euskal Herria nº
337, 1984, 23 or.
19. LÓPEZ AGUIRRE, E.: Historia del rock vasco. Edoxein herriko jaixetan. Vitoria, Aianai,
2011, 187-188 or.
42
Mediatika. 16, 2017, 37-50
Mota Zurdo, D.: Hoy es el futuro. Euskal underground musika mugimenduaren...
baitzuten, baina denek –talde bakan batzuk salbu, Eskorbuto kasurako–
onartzen amaitu zuten, etsipenagatik edo interesagatik20. Bazekiten RRVa
helburu bikoitzarekin jaio zela; ordurarte Estatuko panorama musikalean
jaun eta jabe zen Movidari erantzutea batetik, eta iparraldean egiten zen
rocka Espainia osoan saltzea bestetik21. Horregatik, 1980ko hamarkadan
RRV izenak ia ez zuen erasorik pairatu. Talde gehienak etiketaren
potentzialtasunaz profitatu ziren, jotzeko aukerak ematen zizkielako eta
garai zailetan musikatik ozta-ozta bizitzea ahalbidetzen zielako. Gainera,
bazekiten ez zitzaiela komeni hedabide alternatiboetan etsaiak egitea, bertan
maiz kolaboratzen baitzuten RRVaren gidariak, eta nahikoa eragina zuten
rockaren munduan modu profesionalean aritu nahi zuten afizionatu talde
baten ametsak goratu edo lurperatzeko. Hori dela eta, kritikak neurrizkoak
izan ziren ia beti. Zaramak adibidez, etiketaren irmotasuna onartu eta
diskurtso eta eduki komuna zituzten taldeak batzen zituela uste zuen arren,
desadostasunak agertu zituen Espainian euskal rockaz ematen zen irudi
desitxuratuarekin. Mosoren hitzetan,
una fantasmada porque no puedes ir de jodé [sic.], los vascos somos superradicales [sic.], cuando a nivel de Euskadi está ganando las elecciones una
derecha burguesa como la que está ganando en toda Europa22.
Talde gehienen helburua nabarmendu gabe pasatzea eta arlo artistikoa
zein ekonomikoa kalte lezaketen arazoak ekiditea zen. Ez da harritzekoa,
beraz, hasieratik gutxi izatea RRV etiketaren alde argiro kokatutako taldeak.
Nahiko talde gasteiztarrak goitizena eragozpenik gabe onartu zuen:
me parece acertada esta denominación. Se tenía que llamar de alguna
manera a este movimiento, así como salió el Donosti Sound o la movida madrileña. […] hace que el público aglutine a los distintos estilos musicales que hay
en Euskadi […] que parezca que hacemos algo, que dejamos de ser los pringaos
en cuanto a la música23.
Pablo Cabezak eta Plaka-Klik eta Bat, bi, hiru-ko kolaboratzaileek ulertu
zuten taldeen hitzen edukia, sistemaren aurkakoa eta inkonformista izanik,
nabarmendu egiten zela kantautoreen eta Ez Dok Amairuren etaparengandik.
Izan ere, azken talde honen abestietan kolektibo politiko zehatz baten
20. Musika mugimendu honen aitzindariak izan ziren talde askok ez zuten RRV etiketa
onartu, are gutxiago garai hartan marka harek berekin zekarrena: “la vinculación con las organizaciones nacionalistas radicales”. DÁVILA, P. y AMEZAGA, J.: “Juventud, identidad y cultura: el
Rock Radical Vasco en la década de los 80”, Historia de la educación, nº 22-23, 2003-2004,
222 or.
21. Eskorbutok izandako jarreraren inguruan MOTA, D.: “¿Fuimos ratas en Bizkaia? Las
letras de Eskorbuto y su crítica sociopolítica (1983-1988)”, COLLADO, C.: Himnos y canciones.
Imaginarios colectivos, símbolos e identidades fragmentadas en la España del siglo XX. Granada,
Comares, 2016, 335-354 or.
22. GOIENETXE, M.: “Zarama: El rock ha sido una evasión para los jóvenes”, Punto y Hora
de Euskal Herria, nº 370, o.g.
23. “Nahiko: el rock en euskara se consolida”, Plaka Klik Egin, 25-03-1984
Mediatika. 16, 2017, 37-50
43
Mota Zurdo, D.: Hoy es el futuro. Euskal underground musika mugimenduaren...
aldeko hitzak aurki zitekeen sarritan. Ruper Ordorika kantautore oñatiarra,
garai hartan Hertzainak taldearekin lotura handia izan zuena, oso kritikoa
izan zen ordura arteko rock musikarekin, uste baitzuen arduragabekeria
eta politikarekiko desengainua sustatzeko erabilia izan zela. Orduko
testuinguruan haatik, aldaketa interesgarriak ohartu zituen. Rocka baliatuta
kantu txepelak egiteko joera goitik behera aldatzen hasia zen Euskal Herrian
kutsu politiko interesgarria zuten konposizioak egiten hasiak zirelako.
Ordorikak, baina, ñabardurak egin zituen:
siempre me he negado a participar en actuaciones electoralistas, pero, en
principio, en todo lo que hago hay una reivindicación estética dentro del mundo
euskaldun. Pero, hasta qué punto se puede hacer una canción política. No es lo
mismo hacer una canción política que un panegírico. […] Lo importante es lo que
objetivamente apoyas24.
1984 aldera punk-rock musikaren (eta RRVan bildutako beste
azpigeneroak) eta politikaren –HB adierazle nagusi zuena– arteko lotura
estutzen hasi zen. Eta auzi hori ez zen oharkabean igaro kritika politikoa
egiten zuten hainbat aldizkarirentzat. Hala, urte hartan ere, José Luis
Aguinagak ar tikulua idatzi zuen Leviatán aldizkarian “Del irrintzi al
euskalfunk” goiburupean. Bertan, euskal gazteria marjinalaren egoeraren eta
haren ideia politikoen inguruan hausnartu zuen:
oírles decir a los punkies de Rentería que no han tenido problemas grandes
con los abertzales, o que no votan, pero que de hacerlo lo harían por HB porque
como nosotros quieren romper con la sociedad, conlleva una simplificación de la
realidad donde el enemigo común es la policía, con un terreno diferenciado para
cada grupo25.
Aipatu autoreak azpimarratzen zuenez, “probokazioa-arriskua-suntsiketa”
eskemarekin bat etorri arren, punkiak ez zeuden etengabe kaleetan barrikadak
jartzen eta ez zuten abertzaletasun erradikalaren erakundeetan militatzen. Bi
gauza ezberdin ziren. Aguinagaren iritzian, Egin, HB eta Jarrai musika mota
honetaz probetxua ateratzen saiatzen ari ziren, haren aldeko apustua eginez,
beren diskurtso politikoa erradikaltasunaren eta mugimendu punkaren
bortizkeriaren ideiekin nahasteko. Horregatik, Aguinagak zioenez, musika
talde punkiak “cercano[s] a un tipo de teorías radicales como las defendidas
por Herri Batasuna”, errealitate horrengandik urrun kokatzen zuten beren
burua “por naturaleza”26. Hau, teorian hala bazen, ez zuen islarik izan euskal
eszenan. Punk-rock taldeak berehalako errealitate sozio-politikoak markatuta
zeuden eta, hortaz, rockaren munduak berezko dituen hutsalkeriak bigarren
24. LÁZARO, E.: “Vivir aquí es vivir tras una trinchera”, Punto y Hora de Euskal Herria, nº
381, 1985, 20 or
25. AGUINAGA, J.L.: “Del irrintzi al euskalfunk”, Leviatán: revista de pensamiento socialista,
nº extra, 1984, 51 or. Idatzi honen inguruko bertsio ezberdina aurki daiteke “Entender, entender…yo, la verdad, no entiendo nada, oiga” artikuluan, Plaka Klik Egin, 18-3-1984.
26. Ibíd. 52 or.
44
Mediatika. 16, 2017, 37-50
Mota Zurdo, D.: Hoy es el futuro. Euskal underground musika mugimenduaren...
maila batean zeuden, abestien hitzetan argi geratzen zenez. Hori izan zen,
hain zuzen ere, punk mugimendura hurbiltzeko HBk aprobetxatutako bidea.
Baina hurbilketa prozesu hori ez zen aldebakarrekoa izan, nornazko bikoa
baizik. Batetik, koalizio abertzaleak musika taldeak promozionatzen zituen
haien babesa bereganatu eta ahaztutako hautesle gazteak erakartzeko.
Bestetik, taldeak eta haien jarraitzaileak, axolagabe ageri ziren HBren
manipulazio politikoaren aurrean. Egia da, hainbat punk taldek sigla
politikoetatik ihes egin zutela. La Polla Records, esate baterako, bere burua
ezkerrekotzat agertu zuen eta beste batzuek, Zarama kasurako, ez zuten
HBrekin lotzea nahi izan, ez koalizioaren funtsezko ideiekin bat ez zetozelako,
kaltegarriak izan zitezkeen loturak ekiditea nahiago zutelako baizik27. Beste
talde batzuek, berriz, uko egin zioten edozein lotura politikoa izateari. Cicatriz
taldea izan zen haietako bat: “pasaban de ideologías. Nuestras canciones
son de la calle y para la calle. Esa es nuestra vida”28.
Egin Rockaren eta Martxa eta Borrokaren artean jazotako bigarren kontu
azpimaragarria HB-Jarrairen munduan gertatutako mugimendu estrategikoa
izan zen, 1984 aldera. Nire ustez, oharkabean pasa den aldaketa politiko
horrek mugimendu politikoak punk-rock musikara eginiko hurbilketa
prozesuaren nondik norakoak ezagutzeko balio du neurri batean. Aipatu
urtearen udaberrian F. Crespok ZEN planari eta drogari buruzko txostena
argitaratu zuen Punto y Hora de Euskal Herrian. Bertan, Jarraiko hainbat kidek
onartu egiten zuten ordurarte euskal gazteriarekiko ezarritako politikek porrot
egin zutela. Dokumentu horren arabera, Jarrai beldur zen “una parte nada
desdeñable de nuestra juventud [… hubiera vuelto] la espalda al Movimiento
de Liberación Nacional Vasco (MLNV) en su conjunto”, onartzen baitzuten
“pasota-punkarra-rockero-drogadicto” deitzen zuten gazteriaren sektore
hori albo batera utzia zutela29. Horren ondorioz, gazteriaren multzo horrekin
zegoen giro txarra deitoratzen zuten eta, nolabaiteko autokritika eginez,
marjinalen problematikari irtenbide egokia ematen jakin ez izana onesten
zuten30.
Nolanahi den ere, zailtasunez betetako testuinguru honetan bazen
itxaropenerako arrazoirik: kolektibo horren babesa jaso zezaketen artean
jarrera hartu gabe zegoelako “en contra de los objetivos y los intereses
de Euskal Herria como pueblo, ni nacional ni socialmente”31; eta, haiek
bezala, boterean zeuden alderdi politikoek –sektore hori sozialki baztertu eta
desengainatu zuten berbera– eragindako prekarietate sozioekonomikoaren
aurka agertu ziren. Horrez gain, aipatu beharra dago ere Euskal Herrian
27. GOIENETXE, M.: “Zarama”, op. cit.
28. “Cicatriz: Hasta los huevos”, Plaka Klik Egin, 24-06-1984, 4 or.
29. CRESPO, F.: “Dossier Droga. Plan ZEN. Leyes antiterroristas y contrarreforma judicial-LEC:
las dos caras de una misma moneda”, Punto y Hora de Euskal Herria, nº 349, 1984, 31-33 or.
30. Ibíd.
31. Ibíd.
Mediatika. 16, 2017, 37-50
45
Mota Zurdo, D.: Hoy es el futuro. Euskal underground musika mugimenduaren...
kolaboraziorako borondatea egon izan dela hainbat auzitan. Azaltzen zutenez,
1983ko uztailean, Errenteriako jaietan, agerian geratu zen marjinalen
motibazio nagusia ez zela bakarrik ondo pasatzea, baizik eta Estatuko
Segurtasun Indarrek ezarritako neurri eta desberdintasunei aurre egiteko
grina ere. Honenbestez, Jarraik marjinalei eskua luzatu eta haiengana
hurreratzeko prozesua abiatu beharra zuen. Filosofian eta diskurtsoan
topaketarako puntuak jarrita sektore horren atxikimendua lortu behar zuen,
eta hori egiteko modurik onena, haiek bezala, HB ere alderdi antisistema zela
eta Polizia, Estatua eta arauekiko errefusa sentitzen zuela erakustea zen.
Komenigarria zen, beraz, HB-Jarrairen ekitaldi politikoak eta hitzaldi
informatiboak RRVaren kontzertuekin parekagarriak zirela eta biak Estatuaren
neurri hertsatzaileak salatzeko mekanismo baliagarriak zirela erakustea.
Labur esanda, RRVaren emanaldietan Estatua kritikatzeaz gain, “pasotapunkarra-rockero-drogadicto” sektorea indarrean zegoen sistema suntsitu
nahi zuen gertuko mugimendu politikoa hautes-ontzietan ere sostengatu
behar zuena konbentzitu behar zuen32. Baina, nola erakarri kolektibo hori?
Nola interpretatu punkien sistemaren aurkako berezko erakustaldiak
eta espor tatu ezker aber tzalearen mundura, teorian tribu batekiko
kidetasuna erakustea baino beste helbururik ez zutenean? Galdera hauen
guztien erantzuna honakoa izan daiteke: alde bien muga soziologikoen
ezabatze mailakatua, mimesi prozesu oso bizkor baten bitartez gertatu
zena. Undergrounda ezker abertzaleari atxikitutako adierazpena bihurtu
zuen prozesu sinbiotikoa izan zen. Eta hau, kultura erradikalaren parte
gisa birkonfiguratuta, finkatzea lortu zuen kontrakulturaren elementuak
txertatuta. Elementu horiek espazio marjinalak okupatzea (squat-ak,
taberna alternatiboak, alde zaharra), irrati libreak erabiltzea eta prentsa
kontrahegemonikoa argitaratzea izan ziren, beste batzuen ar tean.
Subertsiboa eta ezker abertzaleari lotutako kultura bereizezin egin zituen
kapitalizazio prozesua –sinbolikoa eta politikoa– gertatu zen. Ezkerrekoa eta
abertzalea zen ideologia politiko baten bidez punk kultura berrinterpretatu
egin zen, etiketa komertzial indartsu (RRV) baten laguntzaz, funtsean
sistemaren aurkakoa zen musika, filosofia eta estetika generoa gazteriaren
artean bere ideiak zabaltzeko tresna bilakatu zen33.
Lotura honen inguruan gerora gertatu zena ondo definitu zuen Fermin
Muguruzak, kritika alde batera utzi gabe:
la movida de la campaña [Martxa eta Borroka] ha llegado un poco tarde, se
tendría que haber dado cuenta mucho antes HB que en la movida de los grupos había un rollo majo, que se ha tenido siempre muy abandonado. […] Aunque
sigue habiendo mucha gente en HB que no se entera, que no entienden de
movida. Lo que sí está claro es que los grupos si tocan para alguien, lo hacen
32. Fernández Soldevillaren arabera, HBren sistemaren aurkako lehen neurriak 1977ren
amaieran agertu ziren, EIAri bere tokia eta diskurtso erradikala kendu zionean. FERNÁNDEZ
SOLDEVILLA, G.: “El nacionalismo vasco radical ante la Transición española”, Historia
Contemporánea, nº 35, 2007, 842 or
33. AGUINAGA, J.L.: “Del Irrintzi al Euskalfunk”, 51 or., op.cit.
46
Mediatika. 16, 2017, 37-50
Mota Zurdo, D.: Hoy es el futuro. Euskal underground musika mugimenduaren...
con HB o no tocan para nadie, si organizase algún otro grupo político no iría ninguno […] si HB lo hace porque lo siente, de puta madre, pero si lo hacen solamente para conseguir votos muy mal34.
Martxa eta Borroka, hortaz, handik eta hilabete batzuetara jarri zen
martxan. 1985eko martxoan abiatu eta Euskal Herri osotik eginiko kontzertu
biran Delirium Tremens, Vómito Social, Kortatu, La Polla Records, Barricada,
Cicatriz, Hertzainak, Antirégimen, Baldin Bada, Belladona, Kontuz Hi!, Basura,
Zarama eta MCD, aritu ziren, beste askoren artean, eta emanaldiez gain
hitzaldiak eta eztabaidak ere egin ziren HBk antolatuta35. Ekimena hurrengo
hitzekin kontatu zuten Bat, Bi, Hiru-ren orrietan: “quedaba inaugurada la
muestra de músicas al servicio de unas ideas, de unas reflexiones nacidas
de la opresión y la miseria, del desencanto y la desobediencia”36. Hori
bai, Martxa eta Borrokaren aurkako kritikak heldu ziren, baita laster heldu
ere. Kontzertu biraren hasieran Cicatrizek antolatzailei ohartarazi zien,
taldeko abeslari Natxo Etxebarrietaren bitartez, bazekitela haietaz baliatzen
ari zirela: “antes éramos drogadictos y degenerados y ahora somos la
juventud”37. Izan ere, bost urte eskasetan, marjinalak, kaleko jendea eta,
orokorrean, paso egiten zutenak, mespretxagarri izatetik euskal gizartearen
zati inportantea –baita ezinbestekoa ere– izatera igaro ziren. Iritzi aldaketa
hori ez zen oharkabekoa izan talde hauetako askorentzat eta HBren jarrera
hauteskundeei begira egindako mugimendu oportunista zela salatu zuten.
Pablo Cabeza RRVaren aitzindaria, ordea, ez zen iritzi berekoa eta kanpaina
honela justifikatu zuen:
creemos que el esfuerzo de la coalición por colocarse al lado de una determinada juventud no ha quedado visto como un oportunismo circunstancial. Son
demasiados los detalles que unen a ambas partes, el fondo también cuenta
con nexos comunes. Cierto es que el rock radical vasco, en su mayoría va por
libre, que pasa bastante de partidos y políticos, pero no menos cierto es que se
encuentran incómodos bajo los colores de HB38.
Horregatik, ulergarria da hilabete batzuk geroago Mar txa eta
Borrokaren antolatzaileek antzeko kanpainak antolatu izana, baina
helburu propagandistiko argiagoekin. Eskualdeko Jaia, adibidez, hedabide
kontserbadoreek HBri buruz emandako irudiari – koalizioak jendartearen
artean sumina eragiten zuela zioten– aurre egitea izan zuen helburu.
Mota horretako kanpainekin Euskal Herriaren normalizazio politikoan
ezinbestekoak zirela erakutsi nahi zuten, “ofreciendo alternativas de
ocio dirigidas a la propia juventud que se mueve en los entornos de
34. TXATARRA: “Kortatu: por la senda del ska”, Punto y Hora de Euskal Herria, nº 394,
1985, 22 or.
35. “Albisteak”, Bat, Bi, Hiru, Egin, 1-3-1985.
36. CABEZA, P.: “Sábado de Martxa eta Borroka en Bilbo”, Bat, Bi, Hiru, Egin, 22-03-1985
37. Ibíd.
38. Ibíd.
Mediatika. 16, 2017, 37-50
47
Mota Zurdo, D.: Hoy es el futuro. Euskal underground musika mugimenduaren...
HB […y] hacia el conjunto de la juventud vasca”39. Baina, normalizazio
demokratikoaren parte izan nahi bazuen, zergatik ezarri zuen, nahiz eta
azpi-irudikatutako sektore sozial baten begikotasuna irabazteko izan, punka
bezalako mugimendu oldarkor eta bortitza kapitalizatzeko estrategia?
4. ONDORIOAK: EUSKAL ESZENA POLITIKO-MUSIKALAREN SENDOTZEA
Aipatu kanpainak abiatzearekin batera RRVa kontsumigarriago bihurtu
zen. Diskoetxeak hazi egin ziren eta, ñabardurak ñabardura, gaur egun arte
iraun duen euskal rock eszena finkatu zen40. RRVaren taldeek ez zuten ezker
abertzaleari lotutako nortasuna aldarrikatu; sistemaren kontrako korronte
orokortu baten partaide izan ziren. Dadaismoaren eta situazionismoaren
lekukoa hartuta, establishmentaren aurka punkaren bandera altxatu zuen
gazte erresistentzia mugimendu erradikal baten parte izan ziren41.
Bestalde, HBk talde hauetaz eginiko erabilerak euskal punkaren historia
sigla politiko batzuei lotu zituen ezinbestean. Izatez, badirudi RRVaren
etiketatik kanpo ez dela gaur arte ezer iritsi; diskurtso horren eraketa
hainbat elementuren gainean dago oinarritua, hala nola hiriko rocka,
testuinguru soziopolitiko eta ekonomiko amorragarria, eta abertzaletasun
esentzialistari lot dakizkiokeen nortasunaren beste hainbat ezaugarri (abesti
askoren hitzak aztertuta ondoriozta daitekeenez)42. Era berean, taldeen
hitzetan Euskal Herrian gertatzen zen ororen inguruko kezkak behin eta
berriro agertzeak ez du esan nahi jarrera independentistak eta HB-Jarraitik
hurbilekoak ohiko zirenik. Talde bakar batzuen kasuan baino ez zen hala
izan, talde horiek oihartzun handia izan zuten arren 43. Autore batzuek
azpimarratu egin dituzte RRVko hainbat musikarik ezker abertzalearen
ideiekiko agertutako begikotasuna eta mugimendu politiko horretako kideak
“luchadores por la libertad y destacados protagonistas de la construcción
de Euskal Herria” direla esatera iritsi dira44. Baina halako adierazpen irmoak
egiteak taldeen hitzen diskurtsora mugatzen du eztabaida, haien historiaren
39. G.H., “Herri Batasuna retoma su campaña”, Punto y Hora de Euskal Herria, 409, 1985,
13 or.
40. Analisi honen oinarri teorikoa hurrengo lanean jasota dago: PÉREZ, A.: “Marketing, identidad y kalimotxo”, en http://antzarrak.galeon.com/Imagenes/Documentos/Kalimotxo_Market.
pdf
41. PASCUAL, J.: Movimiento de Resistencia, 272 or. op. cit.
42. IBARRETXE, G.: “Fronteras de la música vasca”, Trans. Revista transcultural de música,
nº 8, 2004, en http://www.redalyc.org/pdf/822/82200809.pdf
MOSO, R.: “El rock radikal vasco”, MORA, K. eta
43. MOSO, R.: “El rock radikal vasco”, MORA, K. eta VIÑUELA, E.: Rock around Spain.
Historia, industria, escenas y medios de comunicación. Lleida, Edicions de la Universitat de
Lleida, 2013, 121 or.
44. MARTÍN, J.: “Las noticias sobre ETA en la música vasca (1972-2012). El rock como
documentación informativa”, Mediatika, nº 14, 2013, 81-82 or.
48
Mediatika. 16, 2017, 37-50
Mota Zurdo, D.: Hoy es el futuro. Euskal underground musika mugimenduaren...
barnean, haien adierazpen publikoetan eta adierazpen horien balizko
satirizazioan sakondu gabe.
HBk RRVa instrumentalizatu zuen, baina ez da ahaztu behar underground
musikariek bere kanpainetan parte hartu bazuten, beste alderdiek ez bezala,
honek gazte sektore marjinalentzat irtenbideak bilatzeko eta mainstream-etik
kanpoko eszena musikala bultzatzeko ardura hartu zuelako izan zela, idatzi
honetan aipatu dudan bezala, tartean interes elektoralistak egon baziren ere.
RRV terminoa etiketak dituen konnotazio politikoengatik biziatuta dago.
Nahikoa ez den terminoa da, eta zaharkitua dago. Ez du euskal underground
musika ondo definitzen 1980 eta 1990 hamarkadetara mugatzen delako.
Garai har tako underground musika mugimenduaren kritikarako eta
errebeldiarako gaitasuna ahuldu zuen marka komertzial gisa sortu zen,
marketing komertzialaren produktu bilakatzean batez ere. Beraz, auzi
hauek guztiak kontuan hartuta, euskal underground musika mugimendua
aseptikoagoa izateaz gain, joera estilistikoei eta ñabardura ideologikoei
dagokienean ere zabalagoa da, taldeen hitzak aintzat hartuta. Underground
musika mugimenduko taldeek haien ikuspuntua plazaratzea izan zuten beti
helburu, publikoaren eta alderdi politikoen gustukoa izan edo ez; alternatibak
mahaigaineratu baina hauek gauzatu gabe, hori ez baitzen haien zeregina.
Indarkeriak eta normalizazio politikorako zailtasunek markatutako testuinguru
batean, talde hauek egunerokotasunari buruzko diskurtsoa osatzera mugatu
ziren, besterik gabe. Bestalde, mugimendu hau existitzen zen RRV jaio
aurretik eta kontrakultura, punka eta bere adierazpideak eta soziabilizatzeko
moduak zituen inspirazio. Gerora euskarari garrantzia gehiago eman zion
(1990ko hamarkadatik aurrera), baina gazteleraz kantatzen zuten taldeen
sorrera ez zen eten. Are gehiago, gaur egun gaztelerazko hitzak dituzten
taldeak eta euskaraz abesten dutenen kopurua oso antzekoa da. Mugimendu
hau aintzat hartua izan beharko litzateke Trantsizioaren errelatoaren parte
bezala, aldaketa sozial eta politikoaren konplexutasuna ulertzen laguntzen
baitu.
RRVaren etiketak aurretiko punk mugimendua bereganatu zuen eta
1980 eta 1990 hamarkadetan ezker abertzaleak instrumentalizatu zuen
ordurarte baztertuta utzitako sektore gazteengandik etekin politikoak
lortzeko. HBk bereziki, punk-rock musikaren potentzialtasuna baliatu zuen,
musika mota horrek eragin mediatiko handia zuen unean, eta horretarako
ekimen ugari jarri zuen mugimendu horren mesedetan. Bost urte eskasetan
ezker abertzalea rock musika gaitzestetik, euskal kulturarentzat elementu
kaltegarria zelakoan, adierazpen berri bat eman eta Martxa eta Borroka
bezalako propaganda kanpainetan bere alde erabiltzera igaro zen. Baina
prozesu honetan tentsio uneak ere izan ziren hainbat taldek ezker
abertzalearekiko loturari uko egin eta abertzaletasunaren aurka agertu
zirenean. RRVaren sustatzaileen arrakasta underground kulturaren kontzeptu
diferentea ematea izan zen, bere egin eta nazio-gakoan erradikaltasun
gehiago emanez.
Mediatika. 16, 2017, 37-50
49
Mota Zurdo, D.: Hoy es el futuro. Euskal underground musika mugimenduaren...
Underground musika mugimendua establishmentarentzat deserosoa
izan da eta da gaur-gaurkoz diskurtso inkonformista baliatzeaz ez ezik,
errealitate soziopolitikoari kritika egiteagatik eta ezarritako erregimenari
aurka egiteko planteamenduak plazaratzeagatik ere. RRVaren garaietatik
mugimendu hori oztopatzen eta baztertzen saiatu dira, eta musika erradikal
eta ETAren aldeko musika bezalako etiketak jarri zaizkio maiz. Oinarri hori
hartuta hainbat talderi betoa jarri zaie eta beste asko justiziaren aurrera
eraman izan dituzte terrorismoaren apologia egitea leporatuta. Eta beto hori
ez dute soilik gobernu instituzioek jarri. Oso bestelako kolektibo publiko eta
pribatuek ere trabak jarri izan dizkiote talde askoren lanari, haien interesak
adierazpen askatasunaren aurretik jarriz. Kriminalizazio prozesu honek, baina,
ez du ondorio zehatzik ateratzen uzten eta galdera gehiago zabaltzen ditu:
hain da handia politikoki egokiaren indarra egungo gizartean ezen adierazpen
askatasunaren erabilpena galarazten duen? 'Statu-quo'-a iraunaraztea
bilatzen duten arrazoi politikoei erantzuten die? Horregatik presionatzen
dituzte berau ezkerraren espektru ideologikotik kritikatzen dutenak?
50
Mediatika. 16, 2017, 37-50