hol

Walon (Rifondou)

Etimolodjeye

Tayon-bodje tîxhon * "hulan" (trô), et adon, parint avou l' inglès « hole », li neyerlandès « hool », l' almand « Höhle »; mot cité dins l’ FEW 16 220b.

Prononçaedje

• AFE :
  • diferins prononçaedjes : /hɔl/ /hal/ /ɔl/ (minme prononçaedje cåzu pattavå)
  • prononçaedje zero-cnoxheu : /hɔl/
• Ricepeures : nén rcepåve

Addjectif

	singulî	pluriyal
omrin	hol	hols
femrin atribut	hole	holes
femrin epitete (todi padvant)	hole	holès

hol omrin (come addjecif djondrece, todi metou padvant l’  no)

1. (mot d’ coujhnåjhe) ledjir, nén deur, po èn amagnî.
   • Vola del tchå k' est si hole — Motî Forir (fråze rifondowe).
   • Des bounès holès molès wåfes.
   • Li pwin d' boledjî est trop hol — Motî Haust (fråze rifondowe).
2. (mot des cinsîs) :
   1. nén balé po do four
      • Li tchertêye di four est trop hole — Motî Haust (fråze rifondowe).
   2. po del tere ki s' dismantche åjheymint.
      • Li tere est hole, i gn a nén des groumiotes, i gn årè nén mezåjhe di l' ahener.
      • Mins, come i d’meûre co dès groubiotes
        qui l’îpe roûvèye, li pèsante wèle
        passe tot wîgnant sol tére tote hole
        èt v’s-èl sipate tot come on dègn
        — Henri Simon, Li pan dè Bon Diu, Li sèmèdje.
3. nén seré (metans po des bwès metous po fé do feu).
   • Vos voloz fé on fouwåd, mins vosse hopea est trop hol; i n' prindrè nén — Motî d’ Vervî (fråze rifondowe).
4. wateus, spès tot djåzant d' wapeur.
   • A mes ouys estchantés, la ki l' piket do djoû
     Mi fwait rvey li hourêye k' esteut torade bén noere,
     Ene wapeur blanke et hole, loyminoymint s' mostere,
     Adon s' eleve del vå come on frawiant lénçoû
     — Louis Lagauche, "L' inmant", Å piket do djoû, (1947), p. 86 (fråze rifondowe).

Mots d’ aplacaedje

holî-holete

Sinonimeye

• (po l' amagnî) : mol, halcrosse
• (pol four) : houf
• (pol tere) : veule

Contråve

macasse, balé, damé, deur, seré

Ortografeyes

Divant 1900 :

• xhol : E212 ^(lére)
• hol : E203 ^(lére)
• ol : C9a ^(lére)

Après 1900, foû rfondou (Feller, Feller ricandjî, nén Feller) :

• hol : E1, E212b
• hal : E34

E rfondou walon :

• hol, hole : R10 ^(lére)
• hole omrin et femrin  : R9 (rifondaedje ricandjî enawaire) ^(lére)

Li mot n’ est nén dins : C8, R13

Ratournaedjes

ledjir, pol tere

• Francès : meuble ^(fr), veule ^(fr)

ledjir, nén deur

• Francès : léger ^(fr), lâche ^(fr), mou ^(fr), flasque ^(fr)

Adviebe

hol (nén candjåve)

1. sins serer.
   • Vos tricotez trop hol — Motî Haust (fråze rifondowe).

sins serer

• Francès : lâchement ^(fr)