alaedje

Walon (Rifondou)

Etimolodjeye

Do viebe « aler », avou l’ cawete « -aedje »

Prononçaedje

• AFE :
  • diferins prononçaedjes : /a.lat͡ʃ/ /a.laːt͡ʃ/ (betchfessî ae)
  • prononçaedje zero-cnoxheu : /a.lɛt͡ʃ/ (waire u nén prononcî insi å 20inme sieke)
• Ricepeures : a·laedje

Sustantif

singulî	pluriyal
alaedje	alaedjes

alaedje omrin

1. no d’ fijhaedje et no di çou k’ est fwait (accion et si adierça) do viebe «aler».
   • I vneut raconter a s’ mere tos les ptits alaedjes del samwinne. — Joseph Calozet (fråze rifondowe).
   • Vos veyoz, mes efants : c’ est çoula, l’ alaedje do monde", di-st ele li cane e rawijhant s’ betch. — Lorint Hendschel. (ratournant H.C. Andersen).
2. kiminçmint d' on mouvmint.
   • L' alaedje est dné: sins s' pus honti, tot l' monde s' eploye, Et les tchansons s' enairixhèt come des fuzêyes. — Henri Simon (fråze rifondowe).

Ratourneures

1. e-n alaedje
2. si mete e-n alaedje

1. (pus stroetmint) manire ki l’ veye va dins ene metowe kiminålté d’ djins.
   • El plaece di dire biesmint « bondjoû » come asteure, c' esteut l' alaedje, dinltins, di dire ene pitite fråze di circonstance (Båze di dnêyes di l' Årdene nonnrece).
   • Åré, c' esteut eto li vî alaedje e l' Årdene, divinltins, todi — Lucyin Mahin.

Ratourneures

1. alaedje a gayet, a bok, a berå a måye : tchôde d’ ene vatche, ene gade, ene berbis, tolminme ké frumele.

   F. "chaleurs".

2. alaedje ås comeres : hantaedje.

   F. "fréquentation amoureuse".

Sinonimeye

• (grand mouvmint) : dalaedje
• (manire ki l’ veye va) : uzaedje, uzance, dujhance, abitude, rotene.

Pwaire minimom

halaedje (saetchaedje d' on batea avou des tchvås)

Ratournaedjes

no d' fijhaedje di "aler"

• Francès : fonctionnement ^(fr), marche ^(fr), faits ^(fr) pluriyal, évènements ^(fr) pluriyal

kiminçmint d' on mouvmint

• Francès : mise en route ^(fr), mise en branle ^(fr), commencement ^(fr), début ^(fr),

manire ki l’ veye va

• Arabe : تقاليد ^(ar) = تَقاليد =‎ taqâlîd
• Arabe marokin : 3ada =‎ عادة; قايدة ^(ary) =‎ qaida
• Almand : Gewohnheit ^(de)
• Inglès : habit ^(en), custom ^(en), tradition ^(en)
• Espagnol : costumbre ^(es)
• Francès : habitude ^(fr), coutume ^(fr), usage ^(fr), tradition ^(fr)
• Neyerlandès : gewoonte ^(nl), traditie ^(nl)