Yu Hua
Yu Hua (tchinwès: 余华 ou 余華; pinyin: Yú Huá; li no d' famile est Yu, li ptit no est Hua), c' est on scrijheu chinwès.
Vicåreye
[candjî | candjî l’ côde wiki]Il a vnou å monde li 3 d' avri 1960 a Hangzhou, el province di Zhejiang. Il a stî dintisse divant do divni scrijheu. Il a grandi do tins do revintaedje culturél et bråmint des spoûles k' i raconte provnèt des waeraxhes trevints k' il a viké di ç' tins la. Ses istweres cåzèt sovint del deure vicåreye des ptitès djins dins les campagnes, do tins des gueres, des crijhes eyet des påmagnes k' i gn a-st avou el Tchine tot å long des anêyes 1900 et des.
Sicrijhaedjes
[candjî | candjî l’ côde wiki]Il a scrît, metans, les romans: Viker (1992) (活着, Huózhe), XU Sanguan, li vindeu d' song (许三观卖血记, Xǔ Sānguān Mài Xuè Jì) (1995), Les frés (兄弟, Xiōng Dì) (2005), des noveles, ene såye (Li Tchine dins 10 mots, 十个词汇里的中国), evnd.
Zhang Yimou a fwait on film a pårti do roman "Viker".