Ratournaedje mot po mot

Li ratournaedje mot po mot (e latén : verbum pro verbo), pus courtinnmint li mot-po-mot, c' est ene sôre di tradujhaedje ki mete les minmes mots et adjinçner les minmès fråzes dins l' lingaedje-adierça ki dins l' lingaedje-sourdant.

Sovint, li ratournaedje mot po mot dene des crawieus tecses. Pacô i n' sont nén ddja etindåves.

Egzimpes di crons ratournaedjes mot po mot

francès-inglès

Je voudrais un steak saignant (dji vôreu on biftek djusse edoirmou).

I would want a bloody steak (dji vôreu on fayé biftek).

inglès-francès

It is a Roman patrol, isn't it ? (c' est ene patrouye rominne, edon ?)

Une romaine patrouille, n'est-il pas ?

Egzimpes di ratounaedjes pezants

francès walon

Vola des egzimpes di fråzes e francès avou on ratournaedje mot po mot ey èn ôte pus respectiveus do tuza prôpe å walon.

Ratournaedjes francès-walon

francès	mot mo mot	respectiveus
Il est né le divin enfant	Il est né, li divin efant	Il est la, nosse pitit valet
Aujourd'hui, les chrétiens du monde entier chantent Noël; pour cette joie universelle, Seigneur, Toi l'enfant de la crèche, nous Te prions.	Ådjourdu, les crustins do monde etir tchantèt Noyé; po cisse djoye univiersele, Signeur, Ti l' efant del creche, nos T' priyans	Ådjourdu, les crustins did pattavå tchantèt Noyé; po dispåde cisse djoye la a tertotes et tertos, Vos, Djezus, l’ efant del sitamonêye, riçujhoz nosse priyire.