Blanke lepiote
Li blanke lepiote, c' est on tchampion k' on rescontere sovint dins l' yebe des pateures, des pelouzes ou a l' orire des bwès.
| blanke lepiote | ||||||||||||||||
|---|---|---|---|---|---|---|---|---|---|---|---|---|---|---|---|---|
 Leucoagaricus leucothites (Foto: Jean-Pol Grandmont). | ||||||||||||||||
| Rindjmint sincieus | ||||||||||||||||
|
Discrijhaedje
[candjî | candjî l’ côde wiki]Tchampion (5-10 cm) fôrmé d' on bombé tchapea ki s' asplatixhe po divni cåzu tot plat et minme d' aveur ene pitite foxhlete; k' est lisse et soyeus mins pout aveur des ptitès schayes; cwand il est setch est blanc si tintant di coleur tchå ou ocre-crinme pâle. Li bulbeus pî k' a l' minme coleur (2-8x1-1,5 cm), divént djaene cwand on l' djond (come li tchapea); poite on stroet et fråjhûle kitaeyî anea k' end est distaetchî. Les blankès lameles divnèt rôzé-pâle avou l' ådje. Li tchå est blanc-peur et dvént ene miete djaenixhante ossu cwand on l' djond. Elle est foirt sipesse et pout aveur djusk' a 1 cm å mitan.
I n' sint nén grand tchoi et n' a pont d' gosse mårcant. I vént å mitan d' l' årire-såjhon dins l' yebe des djårdéns et des pateures, a l' orire des bwès et minme li long des voyes.
Eployaedje
[candjî | candjî l’ côde wiki]C' est on tchampion k' on pout mougnî mins i gn a on foirt risse del confonde avou des especes epwezonêyes.
Bibiografeye
[candjî | candjî l’ côde wiki]Tites des lives e francès k' i gn a avou pus di racsegnes so ç' tchampion la:
- Régis Courtecuisse, Bernard Duhem: Guide des champignons de France et d'Europe (Delachaux & Niestlé, 1994-2000).
- Marcel Bon: Champignons de France et d'Europe occidentale (Flammarion, 2004)
- Dr Ewaldt Gerhardt: Guide Vigot des champignons (Vigot, 1999) - ISBN 2-7114-1413-2
- Roger Phillips: Les champignons (Solar, 1981) - ISBN 2-263-00640-0