Émile Pècheur

Émile Pècheur, pus sovint lomé e walon Mimile Petcheur, c' esteut on scrijheu e walon k' a skepyî li 12 di fevrî 1921. I mora li 3 d' octôbe 2015.

I scrît tot notant l' accint walon do Bork.

Riprins dins l' antolodjeye "Sicrijheus d' Årdene".

Di s' mestî, il a stî mwaisse di scole, a Sint-Houbert.

Ouve e walon

Ses scrijhaedjes ont stî eplaidîs dins bråmint des gazetes e walon, inte di zeles : «Coutcouloudjoû», «Li Chwès», «Singuliers», «Li Rantoele», «Noveles». I fjheut mete eto d' ses scrijhaedjes dins totes sôres di gazetes e francès, l'«Avenir du Luxembourg» (Årlon), «La Ligue wallonne» (Brussele).

Il a cmincî a scrire e walon e 1991, tot lijhant li coirnêye walone di l' Avenir du Luxembourg.

Mimile Petcheur li djoû del rexhowe di s' prumî live, e 2004

On gros live di ses scrijhaedjes a vudî e 2004, emantchî pa Georges Pècheur, sol tite «Saint-Hubert, rimas did dinltins». On deujhinme tome a rexhou e 2006, sol tite : "Sint-Houbert, do bon et do pé po tos les djoûs".

Sacwants scrijhaedjes da Mimile Petcheur

Èn acrostitche, sicrît pa Mimile Petcheur

Sovnances : li croes do ptit Colas; l' evacuwåcion di 1940.
Arimés : "Li bôme do cour", "les blanc-mousseyes", "Påye sol tere", "Èm popa".
Acrostitche po Gilbert Hotton et Dr Sepule.
Tûzaedjes : Tuzaedjes do vî mwaisse, li saetch di nos scolîs.
Ratournaedje di vîs floricontes : Noyé des moennes; l' istwere di Tchestea Tiri; li cwire do Sint-Grål.
Prôze nén racontrece : les robots; les grossès pires di Stonehege.
Djeu d' mots : li col do mwaisse.
Conte-petreyes.

Eredjistrumints

Il a eredjistré troes cassetes odio avou ses «rimas did dinltins».

Gn a eto ene cassete so ses sovnance di l' evacouwåcion di 1940, dins l' coleccion des cassetes da Lucyin Mahin.

Il a eredjistré on tecse sol sitroete plake di l' antolodjeye Scrijheus d' Årdene.

Foû do walon

Il a eto fwait des rcwerances, e francès, so li ptite istwere do Bork. Ey eplaidî totès sôres, sovint avou Djôr Petcheur.

Hårdêyes difoûtrinnes

Vos trouvroz des racsegnes so les ouves da Émile Pècheur, u les ouves zeles-minmes, so Wikisourd e walon.
Li Wiccionaire si rsieve di sacwantès fråzes da Émile Pècheur po-z enimådjî des mots k' i gn a.
Pådje moennrece des scrijhaedjes da Mimile Petcheur so l' Aberteke (e rfondou walon)
Ene banslêye di ses "rimas did dinltins" (tot wårdant l' accint do Bork)
Ene pådje avou ses dierins tecses (come sicrît do scrijheu)
Dipus d' 500 dijhêyes do Bork
- Ratourneures sol tiesse ^{aschoûtez lu}
- Ratourneures so les djambes ^{aschoûtez lu}
- Ratourneures sol maigreur et l' grandeur ^{aschoûtez lu}
- Ki dit lu-minme on tecse so les rideus (dins Scrijheus d' Årdene)
- Ki dit lu-minme on tinrûle arimé a s' mame (dins Scrijheus d' Årdene)