Landes (departement)

Dat artikel es geschreevn in 't Zuudôostelik West-Vlams.

Landes (40)

Liggienge binn'n Vrankryk
Regio	Nouvelle-Aquitaine
Hoofdstad (Préfecture)	Mont-de-Marsan
Sous-préfectures	Dax
Ippervlak	9243 km²
Inweuners Bevolkiengsdichtheid	405.010 (2016) 44 inw./km²
Arrondissementn	2
Kantongs	15
Gemêentes	327
{{{foto}}} {{{byschrift}}}

Landes (40) (Las Lanas in't lokoal dialekt van Gascogne) es 'n departement in de regio Nouvelle-Aquitaine in't zuudwestn van Vrankryk. 't Es in ippervlak et twidde grotste Frans departement da in Europa ligt, achter 't departement Gironde.

De noame komt van't gelyknoamige busgebied da in de streke ligt. Inweuners van Landes wordn Landais genoemd.

Geschiedenisse

't Departement Landes es één van de 83 departementn die gecreëerd zyn binst de Fransche Revoluusje, de vierde moarte 1790. 't Groundgebied dervan bestoat uut e gedêelte van de vroegere provinsjes Guyenne en Gascogne.

Tout 2016 wos't departement ounderdêel van de regio Aquitaine.

Geografie

Landes grenst an de Fransche departementn Gironde in't nôord'n, Lot-et-Garonne in't nôordôostn, Gers in't ôostn en an Pyrénées-Atlantiques in't zuud'n. O de westkantn ligt d'Atlantische Oceoane (mêer bepoald de Golf van Biskaje). De kustlynne wierd de Côte d'Argent enoemd en es redelyk touristisch mè datter surtout vele surfers ip afkomm'n.

't Departement bestoat uut twêe arroundissementn (Mont-de-Marsan en Dax) en et 15 kantongs en 327 gemêentn. Landes es vrêe landelyk en èit e lêege bevolkiengsdichtheid, dus der zyn gin grôote stee'n. De grotste gemêent'n noar inweunertal zyn Mont-de-Marsan, Dax, Biscarrosse, Saint-Paul-lès-Dax en Tarnos.

Externe koppelienge

Ofbeeldiengn die ier by passn ku je vien in de categorie Landes (department) van Wikimedia Commons.