Gaz

Sil sanal voib olda toižid znamoičendoid; miše nähta niid, tulgat tänna.

Gaz (alam.: gas, sündui amuižgrek.: χάος / «haos»-sanaspäi) om substancijan agregatine olend, kudamban molekuloiden, atomiden, ioniden sidod oma välläd lujas. Ližaks, nened heneged likudas gazas hotkas lujas.

Gazad oma lujas levitadud londuses, mail'mas, enamba kaiked plazman (ioniziruidud gaz) nägus. Erasti lugetas gazaks mugažo elementarižiden henegiden ühtmut (fotoniden, elektroniden). Gazad voidas valuda i vastustadas deformacijale nozoluziden kartte, no gazoil ei oleskele fiksiruidud mülüd, ned täuttas kaiked mülüd i oma pindata. Man atmosferan gaz pidase gravitacijan vägel.

Ičendad

Gazoiden tobjan palan kaclend om koverikaz, vai ei voi kacelta ristitun mujandoil ladimita. Ümbrikirjutadas gazoid nenil fizižil harakteristikoil: painuz, mülü, henegiden lugumär (mol' himijas), lämuz.

Realine gaz nahodib lujas idealižhe gazha tobjan palan, se om ülälämbitadud puru (üks'fazine olend). Ku voib säta nozolut vai kovad hibjad gazaspäi, ka nimitadas sidä puruks (kaks'fazine olend). Nozoluden kändand gazaks nimitase «purustuz» i sen tagaprocess — «kondensacii», kovan hibjan gazaks — «sublimacii» i sen tagaprocess — «ištutamine».

Realine gaz om hüvä lämuzizoläcii. Ioniziruidud gaz i vilugoittud märitud temperaturhasai gaz vedadas elektrust hüvin.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.