Lateria
La lateria la ze tanto al edificio fa la azienda par la laorasion de la lat par far i vari derivadi.
Organigrama aziendal
[canbia | canbia el còdaxe]Le prime laterie le era turnarie, o sia i soci i ndea a turno a jutarghe a un caser fisso e pagà a laorar la lat de la jornada. La strutura la ze coletiva. co el tenpo ze nassest la lateria cooperativa (ideada dal belumat A. Della Lucia). Sto secondo tipo de organizasion al ga consentì an ingrandiment del volume de afari dando inìsio a la mèdia inpresa, diversa par personal, tecnologia, diversificasion del prodoto. Te i ultimi ani anca sto model al ze stat sostituì (o mejo, al se ga evolvest) da le società de capitai. Dess na lateria qualunque la conta almanco an grupet de operai, de inpiegadi e de adeti a la vendita.
Funsionamento
[canbia | canbia el còdaxe]Lateria pisola, o casel Te el casel la laorasion la scominsia co la racolta de la lat, che la gnen consegnada te i vasi da lat, o sia bidoi de aluminio cilindrici o a pianta elitica e dotadi de tirache de curan par esser portadi a spala. La lat la gnen assada na not a decantarse in modo da far afiorar la pana. Co la pana gnen fat al botiro e co el resto de la lat se fa formai e poina. Al scarto de la laorasion de la pana (al lapin) e de la lat (al scòlo) i ghe gnen dati a i porsei. Al lapin al pol anca gner beest come purgante.
Lateria moderna La lat la gnen tolta sù te na serie de punti de racolta slargadi te el teritorio e la gnen portada in lateria da autobot. A el ricevimento gnen fat na prima sielta intrà la lat de alta qualità e quela normal, po'la gnen omogeneizada e filtrada. Dopo la gnen scremada par cavarghe na ulteriore part de pana e par portarla al valor olest de grass. A sto punto gnen sieldest quala lat mandar a la produsion de ogni singolo formai e quala che ga da esser vendesta par lat fresca o uhterizada.
Wikimedia Commons el detien imàjini o altri file so Lateria
Controło de autorità | LCCN (EN) sh85035448 · GND (DE) 4125979-8 · BNF (FR) cb11936430z (data) · NDL (EN, JA) 00569265 |
---|