Łoso Atestin

Łoso Atestin

Pozision
45°17′00″N 11°38′00″E45°17′00″N, 11°38′00″E (Łozo Atestin)
Stato	Itàłia
Rejon	Vèneto
Provinsa	provincia de Pàdoa
Capitałe	Lozzo Atestino (it)
Popołasion
Totałe	3 013 (2023)
Densità	125,18 hab./km²
Zènaro	1 495 (%49,6)   (%49,4) 1 489
Demònemo	lutensi, losezi ,
Zeografia
Àrea	24,07 km²
Altitùdene	19 m
Rente a	Agujaro Baon Noventa Visentina Ospedałeto Eugàneo   Sinto Eugàneo   Este   Vo'
Dati istòreghi
Dì festivo	Festa patronałe(19 de marso)
Patrono	Juzepe de Nazaret
Còdazi de identifegasion
Còdaze postałe	35034
Còdaze de matricołasion	PD
Fuzo oràrio	UTC+1 UTC+2
Clasifegasion climàtega	clima subtropegałe ùmido
Prefiso tełefònego	0429
ID ISTAT	028047
Còdaze catastałe de Itàlia	E709
Sito web	comune.lozzoatestino.pd.it

Łozo Atestin (3152 abitanti) xe on comune in provincia de Padova.

Evolusion demografica

Abitanti censii

Łoso Atestin el xe un comun itałiano de abitanti de ła provinsia de Padoa in Veneto, inserìo inte el parco rejonałe dei Cołi Euganei.

Zeografia fìxega

El paexe xe situà ai pìe del Monte Łoso, parte dei Cołi Euganei, al confin co ła Provinsia de Vicensa.

Storia

Łoso Atestin, sito dei pì antighi insediamenti preistoreghi de ła padoano, in epoca romana ła jera na xona paltanoxa: el toponemo Łoso, infati, el podarìa derivar dal łatin Lutum, fango. Segondo altri studioxi, risałendo a ła forma orixenaria Lucium (praedium) el nome de Łoso derivarìa dal cognome de ła fameja romana dei Lucii, proprietària prediałe de ła xona. A conferma de sta derivasion, anca el łenguìsta Dante Olivieri sostien che "Luzzo" (Ponte e Torreson del Luzzo, Vicensa), derive dal nome Lucius, afermando che: «se cata in cuełi presi i beni de ła fameja visentina dei Lucii». Mentre "Atestino" signiega "estense", dal toponemo "Este" (in epoca romana Ateste), probabilmente dal nome in latino del fiume Adige (Athesis).

In epoca łongobarda el teritorio xe pasà al comiato visentin e l'è sta reconcuistà da Padoa inte l'età dei comuni. Durante ła dominasion venesiana l'è devegnesto łogo de viłejatura dei patrisi de ła Serenisima, grasie al cołegamento col Frassine e el Bisatto: ło testimonia ła setesentesca Viła Lando Correr, co barchese e gran parco.

Segondo ła sudivixion teritoriałe de ła Cexa catołega fin al 1818 Łoso xe apartegnesta a ła diocexi de Vicensa deventando sede de l'omonemo vicariato de ła Diocesi de Padoa. L'antiga Ceza parochiałe intitołada ai Santi Leonzio e Carpoforo, de ła cuała se cata testimonianse dal XIII sècoło, inte el 1861 l'è stà desfà e sostituìa da l'atuałe projetada in stiłe neoclasego, a navata únega e caratterixada da ła cuba sorexesta da un cołonà semisircołar.

Monumenti e łoghi de intarese

• 
  Céxa dei Santi Leonzio e Carpoforo
• 
  Céxa dei Santi Leonzio e Carpoforo
• 
  Céxa de San Rocco inte ła frasion de Valbona, costruìa inte el XX sècoło
• 
  Céxa de San Rocco inte ła frasion de Valbona
• 
  Céxa de San Rocco inte ła frasion de Valbona
• 
  villa Lando Correr

Casteło de Valbona

Se catemo ai pìe de ła parte osidentałe del Monte Łoso, inte el Casteło de Valbona che, anca se pìcoło el ga un fasino e 'na so inportante istòria. Sta tera xe un mucio antìga in cuanto ghe xe stài trovài restanse de pałafite e, poco sora el casteło, adiritura alcune restanse de na otintìca fortificasion pałeoveneta. Sto casteło el xe senpre stà na dependensa de cheło asè pì grando che el se catava inte ła banda oposta del monte el casteło de Łoso, di cui no resta pì trase e se si esclude un antigo tòco de muro deso inglobà inte ał Viła Correr xa Lando a Łozzo Atestin. A par ch'el casteło de Łoso el risałise adiritura al 983 cuando ch'el conte Inghefredo dei Maltraversi xe stà infeudà da l’inperador Ottone II. Ła fortificasion, desfada na prima volta da Exełin III da Roman inte el 1229 e suito ricostruìa, xe stà teatro ai insii del sècoło XIV de uno dei fati pì misterioxi de ła storia de ła Republega Comunuałe padoana; infati, mentre Padoa ła jera in guera contro Cangrande de ła Scała, xe stà tradìa dal conte Nicolò II da Łoso che, na volta descoerto, l'a faxesto in modo che inte el 1313 i Scałixeri butase xo isteso el so casteło, parchè no'l ghe ndase in man ai padoani.

Xe serto che el casteło de Valbona comuncue el existeva xa inte el 1258 in cuanto ne parla inte el senso el Còdexe de Gianfrancesco Capodilista, ma senpre come na dependensa del casteło de Łoso, in cuanto soło sta fegùra ła rexultava in un ełenco de castełi par i cuałi xe stà emanà inte el 1275 un decreto del Comun de Padoa. Desfà el casteło de Łoso inte el 1313, cueło de Valbona ga asumesto na vera e pròpia poxision stratexega parchè al sentro de łe strade che provegniva da Montagnana e da Este, al confin tra i teritori de Padoa, Vicensa, Verona. A cogna vardar el teritorio sircostante co òci difarenti, imaginando al posto de ła rigoroxa e fertiłe pianura che ne apare ancò un gran palùo malsan e perigołoxo, che se estendeva fino a Este. Łe ùlteme ópare de bonifica del teritorio xe stàe inte el 1922.

Notasion

Controło de autorità	VIAF (EN) 246297901 · WorldCat Identities (EN) 246297901