Allianz Arena
| Toʻliq nomi | Allianz Arena |
|---|---|
| Joyi |
 Myunxen |
| Asos solingan | 2002-yil 21-oktabr |
| Qachon qurilgan | 2005-yil aprel |
| Qachon ochilgan | 2005-yil 30-may |
| Egasi |
|
| Inshoot narxi | €340 mln |
| Meʼmor |
 Herzog & de Meuron Architekten |
| Hajmi | 75.000 |
| Maydon oʻlchami | 105m × 68m |
Allianz Arena (terma jamoalar oʻrtasidagi musobaqalar davomida – Arena Myunxen) – Myunxen shimolidagi futbol stadioni. Stadion sigʻimi 75.000 tomoshabinga moʻljallangan boʻlib, ulardan 2.152 tasi biznes oʻrindiqlari, 1.374 tasi VIP oʻrindiqlar va 227 tasi nogironlar aravachasiga moʻljallangan. Xalqaro oʻyinlar davomida stadionning maksimal sigʻimi 70.000 tagacha tomoshabinga tushiriladi. Bundesliganing 2005/06 yilgi mavsumdan beri „Bavariya“ uy oʻyinlarini shu oʻyingohda oʻtkazmoqda. Bundan tashqari, stadion 2006-yilgi Jahon chempionati oʻyinlari, 2011/12 Chempionlar ligasi finali, shuningdek, 2020-yilgi Yevropa chempionati oʻyinlariga mezbonlik qilgan. Dastlab, arena "Bavariya" va „Myunxen 1860“ klublariga tegishli edi, ammo keyin Bavariya Myunxen 1860ga tegishli ulushni sotib oldi va stadionning yagona egasiga aylandi.
Stadionning xususiyatlari
[tahrir | manbasini tahrirlash]
Stadion Myunxenning Shvabing-Freyman (nem.: Schwabing-Freimann) tumanining shimolida joylashgan. Stadionda 2 ta bolalar bogʻchasi/maktabdan keyingi guruhlar, LEGO World va 800 m² maydonda Bavariya klubi doʻkoni mavjud. Bularning barchasi Stadion ichida joylashgan boʻlib, unda dastlab „Myunxen 1860“ savdo doʻkoni va Medion, Deutsche Telekom va Audi uchun koʻrgazma maydonlari joylashgan. 2012-yil may oyida ushbu joyda „Bavariya tarixi olami“ muzeyi ochildi[1]. 6500 m² maydonda koʻplab oziq-ovqat doʻkonlari mavjud. Stadionga tegishli 9800 ta mashinaga moʻljallangan toʻrt qavatli avtoturargoh Yevropadagi eng yirik avtoturargohlardan biri hisoblanadi. Arenaning shimoli va janubida muxlislari bor avtobuslar uchun moʻljallangan yana 350 ta toʻxtash joyi mavjud. Chiptalar jami 55 ta stadion kassalarida sotiladi.
Shakliga koʻra Allianz Arena koʻpincha „puflatiladigan qayiq“ (nem. Schlauchboot), „avtomobil shinalari“ (nem. Autoreifen), „havo yostigʻi“ (nem. Luftkissen) deb nomlanadi.
Fasad va tom quruq havo bilan toʻldirilgan 2760 yostiqdan iborat. Har bir yostiq qizil, koʻk va oq ranglar bilan yoritilishi mumkin. Mezbon jamoalardan qay biri stadionda oʻyin oʻtkazsa, u oʻsha jamoaga mos rangda yoritiladi (Bavariya uchun qizil, „Myunxen 1860“ uchun koʻk), agar Germaniya terma jamoasi arenada oʻynasa, yostiqlar oq rangda yoritiladi. Yoritish narxi soatiga taxminan €50. Ularning yorugʻligi shunchalik kuchliki, tiniq kechalarda Allianz Arenani Alp togʻlari choʻqqilaridan, yaʼni taxminan 75 km masofadan aniq koʻrish mumkin. Tomning ostida quyosh nurlaridan himoya qilish uchun oʻyin vaqtida yopilishi mumkin boʻlgan pardalar mavjud.
2006-yilgi Jahon chempionati
[tahrir | manbasini tahrirlash]
Allianz Arena 2006-yilgi Jahon chempionatiga mezbonlik qilgan stadionlardan biri edi. Jahon chempionati paytida Allianz Arena belgisi stadiondan demontaj qilindi va Myunxen sanʼat uyi tomiga oʻrnatildi. Demontaj va tashish narxi taxminan €150.000 tashkil etdi[2].
2006-yilgi futbol boʻyicha jahon chempionati vaqtida stadionda quyidagi oʻyinlar boʻlib oʻtdi:
| Sana | Vaqt | Jamoa 1 | Hisob | Jamoa 2 | Bosqich | Tomoshabinlar |
| 9-iyun 2006 | 18:00 | |
4:2 |  |
A guruhi (ochilish oʻyini) | 69451 |
| 14-iyun 2006 | 18:00 |  |
2:2 |  |
H guruhi | 69451 |
| 18-iyun 2006 | 18:00 |  |
2:0 |  |
F guruhi | 69451 |
| 21-iyun 2006 | 21:00 |  |
3:2 |  |
C guruhi | 69451 |
| 24-iyun 2006 | 17:00 | |
2:0 |  |
1/8 final | 69451 |
| 5-iyul 2006 | 21:00 |  |
0:1 |  |
yarimfinal | 69451 |
mahalliy vaqt bilan koʻrsatilgan
Manbalar
[tahrir | manbasini tahrirlash]- ↑ „Die FC Bayern Erlebniswelt eröffnet im Mai 2012“. FC BAYERN (30-avgust 2011-yil).
- ↑ „Schriftzug «Allianz Arena» im «Feriendomizil» in der Prinzregentenstraße (нем.)“. ALLIANZ ARENA (28-aprel 2006-yil).