Kei car

Ang Suzuki Wagon R, ang pinakamabentang kei car sa Hapon magmula pa noong 2003.

Ang Kei car, K-car, o kei jidōsha (軽自動車, literal na "magaang na awtomobil"), ay isang kategorya ng maliliit na mga behikulo sa bansang Hapon, kabilang na ang mga kotseng pampasahero, mga van (partikular na ang microvan), at mga maliliit na trak (pickup truck). Idinisenyo sila upang makasunod sa regulasyon ng pamahalaan ng Hapon hinggil sa klase ng sasakyan ayon sa sukat at laki at sa buwis at seguro. Sa karamihan ng mga lugar na rural, ang mga ito ay hindi kasali sa pangangailangan na patunayan na mayroong sapat na paradahan o garahe para sa ganitong uri ng sasakyan. Ang natatanging klase ng kapakipakinabang na mga kotseng ito ay nilikha at pinaunlad upang maitaguyod ang motorisasyong popular sa mga tao pagkaraan ng panahon ng digmaan. Habang matagumpay ito sa Hapon, ang henero o kauriang ito ay pangkalahatang napaka espesyalisado at napaka maliit upang maging mapagkakakitaan ng pamilihang nagluluwas ng mga produkto.