Варикоселе

Варикоселе
Ихтисос	Мезроҳпизишкӣ

Варикоселе
МКБ-10	I86.1
МКБ-9	456.4
DiseasesDB	13731
MedlinePlus	001284
eMedicine	radio/739
MeSH	D014646

Варикосе́ле (varicocele; лот. varix, varicis —дамиши вена, юн.-қад. kēlē — омос) — васеъ шудани танобакҳои манидон.

Сабабҳои беморӣ

Варикоселе бинобар баланд гаштани фишори венаи гурдаҳо (масалан, ҳангоми танг шудани онҳо) ба вуҷуд меояд. В. дар 95 фоизи ҳолатҳо дар ҷониби чап мушоҳида мешавад, зеро шароити ҳаракати хун дар ин қисми хоя нисбатан бад аст. Варикоселе бештар дар синни балоғати ҷинсӣ, ки хун ба аъзои таносул нисбатан бештар ҳаракат мекунад, ба назар мерасад. Ба пайдоиши беморӣ ҳаяҷони ҷинсии бардавом, бардоштани бори вазнин ва диг. омилҳо мусоидат менамоянд.

Нишонаҳои беморӣ

Эҳсоси вазнинӣ ва дарди кунди хоя, ки ҳангоми кори ҷисмонӣ ё ангезиши шаҳвонӣ ба вуҷуд меояд, аломати болинии варикоселе мебошад. Тезу тунд гаштани ҷараёни беморӣ боиси атрофияи хоя ва бенаслӣ хоҳад шуд. Варикоселеро дар мавриди рост истодани бемор ташхис мекунанд.

Табобат

Ҳангоми варикоселе аз иҷрои кори вазнини ҷисмонӣ худдорӣ кардан лозим аст. Алоқаи ҷинсӣ низ бояд ба тартиб дароварда шавад. Истифодаи байзабанд нафъ дорад. Варикоселеро духтури уролог ё андролог муолиҷа мекунад. Масъалаи зарурат доштан ё надоштани ҷарроҳиро мутахассис ҳал менамояд. Дар мавриди саривақт ҷарроҳӣ кардан, фаъолияти хоя барқарор мешавад.

Адабиёт

• Энсиклопедияи мухтасари тиб (Иборат аз 5 ҷилд) . — Душанбе, 2011. — Ҷ.1. — 504 с.

Пайвандҳо

• Варикоцеле: лечение, операция Бойгонӣ шудааст 11 марти 2016  сол.
• Микрохирургическая субингвинальная варикоцелэктомия по Marmar и Goldstein Бойгонӣ шудааст 21 июли 2016  сол.
• Подробное описание заболевания и способов его лечения Бойгонӣ шудааст 4 сентябри 2016  сол.
• Статья о Варикоцеле в Медицинской энциклопедии