Përdorimi i Voice Control për të ndërvepruar me iPhone

iPhone mund ta komandoni dhe thjesht me zërin tuaj. Thoni me zë komandat për të kryer gjestet, për të ndërvepruar me elementet e ekranit, për të diktuar dhe redaktuar tekstin etj.

Konfigurimi i Voice Control

Para se të aktivizoni Voice Control për herë të parë, sigurohuni që iPhone të jetë i lidhur me internetin nëpërmjet një rrjeti Wi-Fi. Pasi iPhone të përfundojë një shkarkim skedari vetëm një herë nga Apple, nuk do të keni nevojë për një lidhje interneti për të përdorur Voice Control.

Shkoni te Settings > Accessibility > Voice Control.
Prekni Set Up Voice Control dhe më pas prekni Continue për të nisur shkarkimin e skedarit.
Kur të përfundojë shkarkimi, në shiritin e statusit shfaqet për të treguar se Voice Control është aktivizuar.
Caktoni opsionet si më poshtë:
- Language: Caktoni gjuhën dhe shkarkoni gjuhët për përdorim jashtë linje.
- Customize Commands: Shikoni komandat e disponueshme dhe krijoni komanda të reja.
- Vocabulary: Mësojini fjalë të reja funksionit Voice Control.
- Show Confirmation: Kur Voice Control njeh një komandë, në krye të ekranit shfaqet një konfirmim vizual.
- Play Sound: Kur Voice Control njeh një komandë, luhet një tingull i dëgjueshëm.
- Show Hints: Shihni sugjerime dhe këshilla për komanda.
- Overlay: Shfaqni numra, emra apo rrjetëzim mbi elementet e ekranit.
- Attention Aware: Në një iPhone me Face ID, Voice Control bëhet aktiv kur shikoni telefonin iPhone dhe bëhet pasiv kur e hiqni shikimin nga telefoni.

Aktivizimi ose çaktivizimi i Voice Control

Pasi të konfiguroni Voice Control, mund ta aktivizoni ose çaktivizoni me shpejtësi duke përdorur një nga nga mënyrat e mëposhtme.

Thirrni Siri dhe thoni “Turn on Voice Control.”
Thoni “Turn off Voice Control.”
Shtimi i Voice Control tek Accessibility Shortcuts - shkoni te Settings > Accessibility > Accessibility Shortcut, pastaj prekni Voice Control.

Mësimi i komandave të Voice Control

Kur aktivizohet Voice Control, mund të thoni komanda si më poshtë:

“Open Control Center”
“Go home”
“Tap emri i artikullit”
“Open emri i aplikacionit”
“Take screenshot”
“Turn up volume”

Për të mësuar më shumë komanda të Voice Control, thoni “Show me what to say” ose “Show commands.”

Përdorimi i mbivendosjes së ekranit

Për ndërveprime më të shpejta, mund të navigoni në iPhone me një mbivendosje ekrani që tregon emra dhe numra për elementet, ose një rrjetë.

Emrat e elementeve: Thoni “Show names” ose “Show names continuously”, pastaj thoni “Tap item name.”
Numrat: Thoni “Show numbers” ose “Show numbers continuously”, pastaj thoni numrin në krah të elementit që dëshironi. Mund të jepni po ashtu një komandë për të kryer një gjest, si p.sh. “Tap number,” “Long press number,” “Swipe up at number,” ose “Double tap number.”
Rrjetë: Për të ndërvepruar me një pikë në ekran që nuk përfaqësohet nga ndonjë emër apo numër elementi, thoni “Show grid” ose “Show grid continuously,” dhe më pas kryeni një nga sa më poshtë:
- Praktikoni: Thoni një numër për të shfaqur një rrjetë më të detajuar.
- Thoni një komandë për të ndërvepruar me një zonë të rrjetës: Thoni diçka si “Tap number” ose “Zoom in number.”
Këshillë: Për të rregulluar numrin e rreshtave dhe kolonave të rrjetës, shkoni te Settings > Accessibility > Voice Control > Overlay dhe më pas zgjidhni Numbered Grid. Kur Voice Control është i aktivizuar, mund të thoni po ashtu diçka si “Show grid with five rows” ose “Show grid continuously with three columns.”

Për të çaktivizuar mbivendosjen, thoni “Hide names,” “Hide numbers” ose “Hide grid.”

Ndërrimi mes modalitetit të diktimit dhe modaltetit të komandave

Kur punoni në një zonë të futjes së tekstit, p.sh. kur shkruani një dokument, email ose mesazh, mund të ndërroni me lehtësi mes modalitetit të diktimit dhe modalitetit të komandave sipas nevojës. Në modalitetin e diktimit (parazgjedhja), çdo fjalë që thoni që nuk është komandë e Voice Control do të futet si tekst. Në modalitetin e komandave, ato fjalë shpërfillen dhe nuk futen si tekst; Voice Control u përgjigjet vetëm komandave. Modaliteti i komandave është sidomos i dobishëm kur duhet të përdorni një seri komandash dhe dëshironi të parandaloni që ato që thoni të mos futen aksidentalisht në zonën e futjes së tekstit.

Për të kaluar te modaliteti i komandave, thoni “Command mode”. Kur modaliteti i komandave është aktiv, në zonën e futjes së tekstit shfaqet një ikonë e errët e një karakteri me kryq të tregon se nuk mund të diktoni. Për të kaluar përsëri te modaliteti i diktimit, thoni “Dictation mode”.

I dobishëm?

Udhëzuesi i përdorimit të iPhone