Spider-Man

Spider-Man anu dipiharti Jalma Lancah, nyaéta inohong super piktip anu kacaturkeun dina Marvel Comics tinulis Stan Lee jeung artis Steve Ditko. Anjeunna parantos jadi salahsahiji pahlawan super anu pangkakoncarana ku balarea sadunya. Musuhna nu kakoncara nyaéta Sandman, New Goblin, Green Goblin, Venom, Carnage, Mysterio, jeung rea-rea deui.

Kasang Tukang

Wasta asli Spiderman nyaéta Peter Parker. Anjeunna rindeup jeung amang tur bibina di hiji imah gedé di Queens, Manhattan. Munggaran manéhna mibogoh wanoja nu ngaranna Mary Jane Watson. Baheula, manéhna indit ka paguronna Norman Osborn. Teu antaparah salahsahiji lancah radioaktip ngegel leungeunna anu balukarna manéhna ujug-ujug miboga pangabisa anu hade (super).

Pangabisa

Kajadian lancah nu ngegel leungeunna nalika di paguron luhur Norman Osborn geus ngarobah huripna Peter Parker nepika manéhna miboga rea pangabisa. Kiwari manéhna miboga kaparigelan jadi jalma super, pangabisa pikeun teterekelam dina naon baé patempatan, jeung pangabisa pikeun ngaluarkeun tataut lancah tina sesela ramona. Manéhna ogé miboga "Spider Sense" anu munggaran ngelingan samemeh mamala nyegeg ka manéhna. Manéhna ogé miboga panenjo anu pertela, jeung bisa kacaturkeun urang anu perceka atawa pinter.

Tokoh Pangrojong

Ben Parker: Amang Peter Parker.
May Parker: Bibi Peter Parker.
Richard Parker: Bapa Peter Parker.
Mary Parker: Indung Peter Parker.
Mary Jane Watson atawa MJ: Wanoja anu dipibogoh ku Peter Parker, anu kiwari jadi pamajikannana.
Gwen Stacy: Kabogohna Peter Parker nalika sakola di paguron luhur.
Géorge Stacy: Bapa Gwen Stacy, titilik (detektip) NYPD
Harry Osborn: kanca mitra Peter Parker
Norman Osborn: Bapa Harry Osborn
Eugene "Flash" Thompson: Kanca mitra Peter Parker
J. Jonah Jameson: Pamingpin Daily Bugle
John Jameson: Budak J. Jonah Jameson
Eddie Brock: Tukang popotret Daily Bugle, kiwari jadi Venom

Tataut anu patali