Logam alkali

Golongan	1
Periode
1	1 H
2	3 Li
3	11 Na
4	19 K
5	37 Rb
6	55 Cs
7	87 Fr

Logam alkali hartina dérét unsur nu kaasup Golongan 1 (cara IUPAC) dina tabél periodik: litium (Li), natrium (Na), kalium (K), rubidium (Rb), césium (Cs), jeung fransium (Fr) (tengetkeun yén hidrogén, najan kaasup Golongan 1, jarang pisan némbongkeun paripolah nu sarupa jeung logam-logam alkali). Logam alkali téh hiji conto rimbagan pasipatan dina tabél periodik, anu ti luhur nepi ka handap watekna homolog.

Ciri

Logam alkali, dikeueum dina minyak mineral.

Logam alkali kagolongkeun unsur réaktif, nu matak di alam jarang kapanggih dina bentuk dasarna. Pikeun kaperluan di laboratorium, ieu bahan dikeueum dina minyak mineral. Najan kaasup logam, ieu unsur hipu bisa dikeureut, sabab dénsitasna kurang. Kalium jeung rubidium kaasup radioaktif lemah (teu matak bahya), sabab durasi isotop radioaktifna panjang.

Réaksina dina amonia

Logam alkali dina amonia cair ngahasilkeun leyuran bulao nu paramagnétik. Mun geus ngadeukeutan jenuh, warnana jadi bungur, laju jadi métalik.

K + NH₃ → K⁺ + e^-

ku sabab leyuranana ngandung éléktron bébas, volumna jadi nambahan leuwih ti jumlah volum logam jeung amoniana. Ayana éléktron ogé ngajadikeun ieu leyuran alus salaku réduktor jeung konduktor listrik. Ieu leyuran henteu stabil, sabab biasana robah jadi amida. Ieu réaksi, mun digancangkeun ku ayana katalis (biasana beusi (III) nitrat), dipaké pikeun ngahasilkeun amida natrium:

2 Na + 2 NH₃ → 2 NaNH₂ + H₂

Amidana bisa diékstrak atawa dirobah jadi azida natrium ku cara ngabulukbukkeun oksida nitrogén kana leyuran amonia:

2 NaNH₂ + N₂O → NaN₃ + NaOH + NH₃

Kacondongan

Logam-logam alkali mibanda sababaraha pola mun dipapay ti luhur ka handap - misalna waé éléktronégativitas nurun, réaktivitas naék, sarta nurunna titik lééh jeung golak. Dénsitasna biasana ngaronjat, iwal kalium nu hampang batan natrium.

Logam alkali	Beurat Atom Baku (u)	Titik Lééh (K)	Titik Golak (K)	Dénsitas (g·cm⁻³)	Éléktronégativitas (Pauling)
Lithium	6.941	453.69	1615	0.534	0.98
Natrium	22.990	370.87	1156	0.968	0.93
Kalium	39.098	336.53	1032	0.89	0.82
Rubidium	85.468	312.46	961	1.532	0.82
Césium	132.905	301.59	944	1.93	0.79
Fransium	(223)	? 295	? 950	? 1.87	0.7

Rujukan

Alkali metal, ti Wikipédia basa Inggris (19 Péb. 2008)

Tumbu kaluar

Science aid:Alkali metals Archived 2008-02-03 di Wayback Machine A simple look at alkali metals
Doc Brown, Alkali metals
Atomic and Physical Properties of the Group 1 Elements An in-depth look at alkali metals

**Pedaran potongan tabél periodik di luhur:**
Logam alkali	Nomer atom nu hideung hartina padet	Wates garis pinuh nunjukkeun unsur primordial (leuwih kolot batan Marcapada)	Wates garis pegat-pegat nunjukkeun unsur radioaktif alami nu isotopna teu leuwih kolot batan Marcapada

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.