Antartika

Pék paluruh émbaran nu leuwih loba ngeunaan Antarctica ku jalan nyungsi proyék sabaraya Wikipédia
	Définisi kamus ti Wiktionary
	Buku téks ti Wikibooks
	Cutatan ti Wikiquote
	Téks sumber ti Wikisource
	Gambar jeung média ti Commons
	Warta ti Wikinews
	Sumber pangajaran ti Wikiversity

Pikeun kagunaan séjén, tempo Antartika (disambiguasi).

Antartika

Aréa (Sakabéhna) (tanpa es) (katutupan es)	14.000.000 km² (5.405.430,2 sq mi) 280.000 km² (108.108,6 sq mi) 13.720.000 km² (5.297.321,6 sq mi)
Populasi (permanen) (henteu permanen)	ka-7 ≈0 ≈1,000
Pamaréntahan	diparentah ku Antarctic Treaty System
Nu ngaku teritorina	7 Argentina Australia Chili Perancis New Zealand Norwegia United Kingdom
Sayaga keur ngaku	2 Rusia Amerika Sarikat
Zona wanci	euweuh UTC-3 (Graham Land wungkul)
TLD Internet	.aq
Kode telepon	Didaptar di dieu

Antartika nyaéta buana pangkidulna di Bumi, nu ngampar di Kutub Kidul. Perenahna dina beulahan bumi beulah kidul, ampir sakabéhna di kiduleun Antarctic Circle, dilingkung ku Samudra Kidul. Kalayan lega 14.4 yuta km² (5.4 yuta sq mi), mangrupa buana panggedéna kalima sanggeus Asia, Afrika, Amerika Kalér, jeung Amerika Kidul. 98% Antartika katutupan ku és, nu rata-rata kandelna pangsaeutikna 1.6 kilométer (1.0 mi).

Ilaharna, Antartika mangrupa buana pangtiisna, panggaringna tur panglobana angin, sarta boga rata-rata pangluhurna ti sakabéh buana.^[1] Alatan presipitasina saeutik, kajaba di basisir, jero-jeroan buana ieu sacara téhnis mangrupa gurun panglegana di dunya. Euweuh panyicingan manusa nu maneuh tur taya ogé bukti yén baheulanna kungsi kacicingan ku manusa ti jaman prasajarahna kénéh. Nu aya ukur tutuwuhan katut sasatoan nu bisa cocog jeung kaayaan alam nu tiis, kaasup pinguin, anjing laut (fur seals), lumut, lichen, jeung sababaraha rupa ganggang.

Ngaran Antarktika mangrupa vérsi romanisasi tina kecap campuran basa Yunani Αntarktiké (Aνταρκτική), nu hartina "Sabrangeun Arktik".^[2] Sanajan mite jeung spékulasi ngeunaan Terra Australis; ("Southern Land") balik deui ka jaman baheula, ieu benua mimiti katempo sarta dikonfirmasi sacara umum ditarima dina taun 1820 ku urang Russia ékspédisi ku Mikhail Lazarev jeung Fabian Gottlieb von Bellingshausen. Ngan waé, benua ieu sabagian gedé masih tacan ka saba kabéh sahenteuna nepika abad ka-19 alatan lingkunganna anu beurat, kurangna sumber daya, jeung tempatna anu nyingkur. Hiji kasapukan ngeunaan panangtayungan antartika Antarctic Treaty geus ditandatang dina taun 1959 ku dua belas nagara; nepi ka kiwari, opat puluh lima nagara geus nandatangan kaspukan ieu. Kasapukan ieu nyebutkeun ngalarang ayana kagiatan militér jeung penambangan mineral, sarta ngarojong panaluntikan ilmiah, katut ngajaga tur ngariksa ieu benua/ecozone. Ékspérimén anu keur lumangsung dilakukeun ku leuwih ti 4.000 ilmuwan ti sababaraha nagara kalawan tujuan panalungtikan anu béda-béda.^[3]